ໂດຍອີງຕາມກົດລະບຽບພັກປະຊາຊົນປະຕິວັດລາວ ສະໄໝທີ XI ລະບຸໄວ້ໃນໝວດທີ I ມາດຕາ 2 ວ່າດ້ວຍລະບຽບການຂະຫຍາຍພັກ, ໃນວັນທີ 19 ພຶດສະພາ 2025 ນີ້, ຢູ່ທີ່ສະໂມສອນກອງບັນຊາການທະຫານແຂວງຜົ້ງສາລີ, ພະແນກໂຄສະນາອົບຮົມ ໄດ້ຈັດພິທີເປີດຮຽນສະໜັບສະໜູນ ແລະ ເປີດຮຽນກົດລະບຽບພັກໃຫ້ແກ່ມະຫາຊົນຜູ້ກ້າວໜ້າທີ່ຈະຂະຫຍາຍເຂົ້າເປັນສະມາຊິກພັກ ຊຸດທີ 1 ປະຈໍາປີ 2025, ໂດຍການເປັນປະທານ ແລະ ເຜີຍແຜ່ເອກະສານຂອງສະຫາຍ ພັນໂທ ຄຳພອນ ຈັນຍະທໍາ ເລຂາໜ່ວຍພັກ ຫົວໜ້າພະແນກໂຄສະນາອົບຮົມ ຫ້ອງການເມືອງ ກອງບັນຊາການທະຫານແຂວງຜົ້ງສາລີ, ມີພະນັກງານວິຊາການພາຍໃນພະແນກ ແລະ ມະຫາຊົນຜູ້ກ້າວ

ໜ້າເຂົ້າຮ່ວມ.

ໃນພິທີ ສະຫາຍ ພັນຕີ ສົມເພັດ ພັນໃຈ ຮອງເລຂາໜ່ວຍພັກ ຮອງຫົວໜ້າພະແນກໂຄສະນາອົບຮົມ ຫ້ອງການເມືອງ ກອງບັນຊາການທະຫານແຂວງ ໄດ້ຂຶ້ນຜ່ານມະຕິຕົກລົງຂອງຄະນະປະຈໍາພັກກອງບັນຊາການທະຫານແຂວງ, ສະບັບເລກທີ 102/ຄຈພ.ກບຊກ, ລົງວັນທີ 27.3.2025 ວ່າດ້ວຍການອະນຸມັດມະຫາຊົນຜູ້ກ້າວໜ້າເຂົ້າຮຽນສະໜັບສະໜູນ ຊຸດທີ 1 ປະຈໍາປີ 2025, ມີຈໍານວນ 31 ສະຫາຍ, ຍິງ 10 ສະຫາຍ,ຈາກນັ້ນສະຫາຍ ພັນໂທ ຄໍາພອນ ຈັນຍະທໍາ ເລຂາໜ່ວຍພັກ ຫົວໜ້າພະແນກໂຄສະ

ນາອົບຮົມ ຫ້ອງການເມືອງ ກອງບັນຊາການທະຫານແຂວງຜົ້ງສາລີ ໄດ້ບັນລະຍາຍເນື້ອໃນເອກະສານອົບຮົມເຊີ່ງປະກອບມີ 13 ຄໍາຖາມ, 13 ຄໍາຕອບ ແລະ ບັນດາເນື້ອໃນພື້ນຖານກ່ຽວກັບພັກປະຊາຊົນປະຕິບັດລາວ ແລະ ໃນຕອນບ່າຍຂອງວັນດຽວກັນຍັງໄດ້ເປີດຮຽນກົດລະບຽບພັກໃຫ້ແກ່ມະຫາຊົນຜູ້ກ້າວໜ້າຕື່ມອີກ, ມີຈໍານວນເຂົ້າຮຽນທັງໝົດ 11 ສະຫາຍ, ເຊີ່ງມີເນື້ອໃນເອກະສານດັ່ງນີ້: ມາດຕະຖານຂອງສະມາຊິກພັກ ແລະ ເງື່ອນໄຂຂອງມະຫາຊົນຜູ້ຈະຂະຫຍາຍເຂົ້າເປັນສະມາຊິກພັກ, ລະບຽບການຂະຫຍາຍພັກ, ຄໍາປະຕິຍານຂອງສະມາຊິກພັກ, ໜ້າທີ່ຂອງສະມາຊິກພັກ, ສິດຂອງສະມາຊິກພັກ ແລະ ການສິ້ນສຸດເປັນສະມາຊິກພັກ, ຂໍ້ຫ້າມສໍາລັບສະມາຊິກພັກ, ລະບຽບການຄຸ້ມຄອງ ແລະ ການຍົກຍ້າຍຮ່ວມຊີວິດພັກ, ບັດສະມາຊິກພັກ ແລະ ການນໍາໃຊ້ບັດສະມາຊິກພັກ.

ຈຸດປະສົງໃນການເປີດຮຽນສະໜັບສະໜູນ ແລະ ເປີດຮຽນກົດລະບຽບພັກໃນຄັ້ງນີ້, ເພື່ອເຮັດໃຫ້ມະຫາຊົນທີ່ຈະຂະຫຍາຍເຂົ້າເປັນສະມາຊິກພັກມີຄວາມຮັບຮູ້ ແລະ ເຂົ້າ

ໃຈກ່ຽວກັບປະຫວັດຄວາມເປັນມາ, ອຸດົມການ ແລະ ທາດແທ້ຂອງພັກປະຊາຊົນປະຕິວັດລາວ, ເຂົ້າໃຈກ່ຽວກັບມາດຕະການ, ເງື່ອນໄຂ ແລະ ຜົນປະໂຫຍດທີ່ສະມາຊິກພັກໄດ້ຮັບ, ເປັນການປະເມີນຄວາມຮັບຮູ້, ໃນການເຊື່ອມຊຶມເອກະສານມະຫາຊົນເປົ້າໝາຍຂະຫຍາຍເຂົ້າພັກ, ເພື່ອເຮັດໃຫ້ມະຫາຊົນມີຄວາມຕັ້ງໜ້າຝຶກຝົນຫຼໍ່ຫຼອມຕົນເອງ ເພື່ອເພີ້ມກໍາລັງແຮງສູ້ຮົບໃຫ້ແກ່ພັກນັບມື້ຫຼາຍຂຶ້ນ ແລະ ໃນຕອນທ້າຍຂອງພິທີສະຫາຍປະທານຍັງໄດ້ມອບໃບຢັ້ງຢືນໃຫ້ແກ່ມະຫາຊົນຜູ້ເຂົ້າຮ່ວມອົບຮົມເພື່ອຂະຫຍາຍເຂົ້າເປັນສະມາຊິກພັກໃນຕາມລໍາດັບ.