ໃນຕອນເຊົ້າຂອງວັນທີ 20 ພຶດສະພາ​ 2025 ນີ້​ ທ່ານ​ ໄຊນຸພາບ ສຸຈັນ ຫົວໜ້າພະແນກສາທາລະນະສຸກແຂວງຜົ້ງສາລີ​ ພ້ອມທີມງານ ໄດ້ລົງ​ຊຸກຍູ້ການຈັດຕັ້ງປະຕິບັດວຽກງານຮອບດ້ານ 6 ເດືອນຕົ້ນປີ ແລະ​ ແຜນການ​ 6​ ເດືອນທ້າຍປີ​2025 ຢູ່ຫ້ອງການສາທາລະນະສຸກເມືອງ​ບູນເໜືອ ໂດຍການຕ້ອນຮັບ ແລະ​ ລາຍງານສະພາບການຈັດຕັ້ງປະຕິບັດວຽກງານຂອງທ່ານ ບຸນໄຊ ປັນອ່ອນ ຫົວໜ້າຫ້ອງການສາທາລະນະສຸກເມືອງບູນເໜືອ ພ້ອມພະນັກງານວິຊາການພາຍໃນຫ້ອງການເຂົ້າຮ່ວມ.​

ຫ້ອງການສາທາລະນະສຸກເມືອງບູນເໜືອ ມີພະນັກງານ​ທັງໝົດ 39 ຄົນ,​30​ ຍິງ,​ ປະຈຳຢູ່ສຸກສາລາ​3 ແຫ່ງ​ 13​ ຄົນ,​ຍິງ​ 12 ຄົນ,​ ປະກອບມີ​ 4 ໜ່ວຍງານຄື່: ໜ່ວຍງານບໍລິຫານ,​ຈັດຕັ້ງ,​ກວດກາ,​ ສະຖິຕິ​ ແລະ​ການເງິນ,​ ໜ່ວຍງານ ອະນາໄມ​-ສົ່ງເສີມສຸຂະພາບແມ່ ແລະ​ ເດັກ/ສັກຢາກັນພະຍາດ,​ ນ້ຳລີນ-ນ້ຳສະອາດ,​ ວິດຖ່າຍ,​ ໄຂ້ຍຸງ,ລະບາດ

ວຽກງານແມ່ ແລະ​ເດັກ(ແມ່ຍິງຖືພາ ແລະ​ ຫລັງເກີດ),​ ໜ່ວຍງານ​ປະກັນສັງຄົມ ແລະ​ ໜ່ວຍງານອາຫານ ແລະ​ ຢາ.​ ເຊີງໄລຍະໄຕມາດ​ I (1,2,3) ຕົ້້ນປີ​2025​ການຈັດຕັ້ງປະຕິບັດວຽກງານສາທາລະນະສຸກເມືອງບູນເໜືອສຳລັບຄາດໝາຍ​ 11 ຕົວເລກ​SDGs: ອັດຕາເດັກລຸ່ມ​ 5 ປີນ້ຳໜັກຕ່ຳ 2.4%, ເດັກລຸມ 5 ປີລວງສູງບໍ່ໄດ້ມາດຖານ​5%,​ ອັດຕາການຕາຍເດັກລຸ່ມ​1 ປີ​ 0 ຄົນ,​ ອັດຕາການຕາຍເດັກລຸ່ມ​ 5​ ປີ​ 0​ ຄົນ,​ ອັດຕາການຕາຍຂອງແມ່​ 0​ ຄົນ,​ ອັດຕາການເກີດມີແພດຊ່ວຍ​ 5%,​ ອັດຕາສັກຢາກັນພະຍາດເດັກລຸ່ມ​1​ປີ​22%,​ ອັດຕາຊົມໃຊ້ນ້ຳລີນ-ນ້ຳສະອາດ​ 97%,​ ອັດຕາຊົມໃຊ້ວິດຖ່າຍ91%, ສ້າງບ້ານແບບຢ່າງສາທາລະນະສຸກ​ 88%,​ອັດຕາປົກຄຸມປະກັນສຸຂະພາບ​ 99%.​ ພ້ອມທັງຜ່ານທິດທາງແຜນການໃນຕໍ່ໜ້າ.​ ຈາກນັ້ນ,​ ທາງຄະນະທິມງານພະແນກສາທາລະນະສຸກແຂວງ​ແລະ​ຫ້ອງການສາທາລະນະສຸກເມືອງບູນເໜືອ ໄດ້ຜັດປ່ຽນກັນປະກອບຄຳຄິດຄຳເຫັນແລກແປ່ຽນບົດຮຽນເຊີງກັນ ແລະ​ ກັນ​ ເພື່ອເຮັດໃຫ້ການປະສານວຽກງານ ແລະ​ການຈັດຕັ້ງປະຕິບັດວຽກງານສາທາລະນະສຸກພັດທະນາຂື້ນເລື້ອຍໆ