ໜ້າຫຼັກ / ການເຄື່ອນໄຫວ / ກອງພັນນ້ອຍທະຫານຮາບ 19 ເປີດຊຸດອົບຮົມ-ຫັດແອບ ປະຈໍາໄຕມາດ II ປີ 2024.
ກອງພັນນ້ອຍທະຫານຮາບ 19 ເປີດຊຸດອົບຮົມ-ຫັດແອບ ປະຈໍາໄຕມາດ II ປີ 2024.
ຕອນເຊົ້າຂອງວັນທີ 10 ກັນຍາ 2024 ນີ້ ກອງພັນນ້ອຍທະຫານຮາບ 19 ໄດ້ຈັດພິທີເປີດຊຸດອົບຮົມ-ຫັດແອບການທະຫານ, ການເມືອງ, ພະລາທິການ ແລະ ເຕັກນິກ ປະຈໍາໄຕມາດ II ປີ 2024 ໂດຍການເປັນປະທານຂອງສະຫາຍ ພັນໂທ ຈັນໄຊ ຄໍາສະຫວັນ ເລຂາຄະນະພັກຮາກຖານ, ຫົວໜ້າການທະຫານ, ກອງພັນນ້ອຍທະຫານຮາບ 19 ມີຄະນະພັກ-ຄະນະບັນຊາ 4 ກອງຮອ້ຍ 1 ສຳນັກງານອົງການກອງພັນ, ນາຍ ແລະ ພົນທະຫານ ເຂົ້າຮ່ວມຢ່າງພອ້ມພຽງ.
ໃນພິທີ ສະຫາຍ ພັນຕີ ບູນສີ ຊົງປ່າວວາງ ຮອງຫົວໜ້າການທະຫານ, ກອງພັນນ້ອຍທະຫານຮາບ 19 ໄດ້ຜ່ານຂໍ້ຕົກລົງຂອງກອງບັນຊາການທະຫານແຂວງຜົ້ງສາລີ, ສະບັບເລກທີ່ 539/ກບຊຂ ລົງວັນທີ 26 ສິງຫາ 2024 ວ່າດວ້ຍການອະນຸມັດໃຫ້ກອງພັນນອ້ຍທະຫານຮາບ 19 ເປີດຊຸດອົບຮົມ-ຫັດແອບການທະຫານ, ການເມືອງ, ພະລາທິການ-ເຕັກນິກ ປະຈໍາໄຕມາດ II ປີ 2024, ພ້ອມທັງຜ່ານແຜນການອົບຮົມ-ຫັດແອບການທະຫານ, ການເມືອງ, ພະລາທິການ-ເຕັກນິກ ປະຈໍາໄຕມາດ II ປີ2024 ກໍານົດເວລາທັງໝົດ 145 ວັນ, ພາກການເມືອງ 4 ວັນ ພາກລະບຽບ 12 ວັນ, ພາກກິລາການທະຫານ 8 ວັນ, ພາກສີນລະປະຍຸດ 16 ວັນ, ພາກຍຸດທະວິທີ 18,5 ວັນ, ຈາກນັ້ນແຕ່ລະກອງຮອ້ຍຍັງໄດ້ຂື້ນຜ່ານຂໍ້ແຂງຂັນໃນການຮຽນດີ, ຮຽນເກັ່ງຕື້ມອີກ.
ໃນພິທີ ສະຫາຍ ພັນໂທ ຈັນໄຊ ຄໍາສະຫວັນ ປະທານພິທີໄດ້ໂອ້ລົມຕໍ່ພິທິ ເຊິ່ງກ່ອນອື່ນສະຫາຍໄດ້ສະແດງຄວາມຍ້ອງຍໍຊົມເຊີຍຕໍ່ຄະນະພັກ-ຄະບັນຊາ ແລະ ພາກສ່ວນຮັບຜິດຊອບການອົບຮົມ-ຫັດແອບທີ່ໄດ້ກະກຽມສໍາເລັດໄດ້ຕາມແຜນການທີ່ວາງໄວ້, ພ້ອມທັງໄດ້ຮຽບໃຫ້ ນາຍ ແລະ ພົນທະຫານ ເອົາໃຈໃສ່ຫັດແອບຮໍ່າຮຽນໃນຄັ້ງນີ້, ໂດຍສະເພາະແມ່ນກໍາແໜ້ນບົດຮຽນ ທັງພາກທິດສະດີ ແລະ ພາກປະຕິບັດຕົວຈິ່ງ ເພຶ່ອໄປໝູນໃຊ້ໃຫ້ຖຶກຕອ້ງ ໃນວຽກງານຕົວຈຶ່ງ ໃນສະເພາະໜ້າ ແລະ ຍາວນານ ເອົາໃຈໃສ່ປະຕິບັດຂໍ້ກໍານົດກົດລະບຽບເປັນຕົ້ນແມ່ນ 7 ລະບອບ 18 ວຽກໃນມື້ໜຶ່ງ ຂອງກອງທັບ ແລະ ຂອງກົມກອງວາງອອກໃຫ້ເຂັ້ມງວດ, ຮັບປະກັນໃນການອົບຮົມ - ຫັດແອບໃຫ້ມີຄວາມສະຫງົບປອດໄພ 100%.