ໜ້າຫຼັກ / ການເຄື່ອນໄຫວ / ປືກສາຫາລືກະກຽມຄວາມພ້ອມ ຈັດງານມະຫາກໍາກິລາໂຍນໝາກຄອນ 3 ແຈປະເທດ ແລະ ງານເທດສະການອາຫານເຜົ່າ ແລະ ດືື່ມນໍ້າຊາ ປີ 2024 ທີ່ແຂວງຜົ້ງສາລີ ເປັນເຈົ້າພາບ.
ກອງປະຊຸມດັ່ງກ່າວໄດ້ຈັດຂຶ້ນໃນຕອນບ່າຍຂອງວັນທີ 16 ຕຸລາ 2024 ທີ່ຫ້ອງປະຊຸມຂອງຫ້ອງວ່າການແຂວງ ໂດຍພາຍໃຕ້ການເປັນປະທານຂອງທ່ານ ຄຳເຫຼັກ ໃຈອິສານ ຮອງເຈົ້າແຂວງໆຜົ້ງສາລີ, ປະທານຈັດງານເທດສະການອາຫານເຜົ່າ ແລະ ດືື່ມນໍ້າຊາ ປີ 2024 ແລະ ງານມະຫາກໍາກິລາໂຍນໝາກຄອນ 3 ແຈປະເທດ ທີີ່ແຂວງຜົ້ງສາລີ ມີບັນດາທ່ານ ຫົວໜ້າ-ຮອງຫົວໜ້າ ແຕ່ອະນຸກຳມະການກະກຽມຈັດງານພ້ອມດ້ວຍພາກສ່ວມທີ່ກ່ຽວຂ້ອງເຂົ້າຮ່ວມ.
ໃນກອງປະຊຸມຜູ້ເຂົ້າຮ່ວມຈາກແຕ່ລະອະນຸກຳມະການ ກໍ່ໄດ້ລາຍງານການກະກຽມພ້ອມຂອງແຕ່ລະອະນຸກຳມະການໃນໄລຍະທີ່ຜ່ານມາ ເປັນຕົ້ນ ອະນຸກຳມະການເນື້ອໃນ, ອະນຸກຳມະການພິທີການ, ອະນຸກຳມະການ ອະນຸກຳມະການໂຄສະນາ - ປະຊາສຳພັນ, ອະນຸກຳມະການສົ່ງເສີມຜະລິດຕະພັນ ແລະ ຈັດງານຕະຫຼາດນັດ, ອະນຸກຳມະການອາຫານຊົນເຜົ່າ, ອະນຸກຳມະການເສດຖະກິດ ແລະ ການເງິນ, ອະນຸກຳມະການກິລາ, ອະນຸກຳມະການປ້ອງກັນຊາດ, ປ້ອງກັນຄວາມສະຫງົບ, ອະນຸກຳມະການສີລະປະ-ວັດທະນະທຳ ແລະ ກ້ອນກຳລັງ, ອະນຸກຳມະການວຽກງານສາທາລະນະສຸກ, ອະນຸກຳມະການຂົນສົ່ງ, ອະນຸກຳມະການ ສີ່ງແວດລ້ອມ, ອະນຸກຳມະການ ແຂ່ງຂັນຍ້ອງຍໍ ເຊິ່ງແຕ່ລະອະນຸກຳມະການ ກໍ່ໄດ້ລາຍງານວຽກງານທີ່ໄດ້ຈັດຕັ້ງປະຕິບັດຜ່ານມາ ແລະ ທິດທາງແຜນວຽກທີ່ຈະສືບຕໍ່ຈັດຕັ້ງປະຕິບັດໃນຕໍ່ໜ້າ ເພື່ອຮັບປະກັນໃຫ້ມີຄວາມພ້ອມທຸກດ້ານກ່ອນການເປີດງານໃນທ້າຍເດືອນພະຈິກ 2024 ນີ້, ພ້ອມກັນນັ້ນ ໃນກອງປະຊຸມແຕ່ລະອະນຸກຳມະການໄດ້ພ້ອມກັນຄົ້ນຄ້ວາປະກອບຄຳຄິດຄຳເຫັນໃສ່ບັນຫາຂໍ້ຫຍຸ້ງຍາກ ແລະ ສິ່ງທ້າທ້າຍ ເພື່ອພ້ອມກັນຊອກຫາວິທີທາງແກ້ໄຂ ແລະ ພ້ອມກັນຈັດຕັ້ງປະຕິບັດໃນຕໍ່ໜ້າໃຫ້ໄດ້ຮັບຜົນສຳເລັດຕາມຈຸດປະສົງທີ່ໄດ້ວາງໄວ້.
ຕອນທ້າຍຂອງກອງປະຊຸມ ທ່ານປະທານ ໄດ້ມີຄຳເຫັນ ແລະ ຮຽກຮ້ອງມາຍັງຄະນະຮັບຜິດຊອບຈັດງານເທດສະການອາຫານເຜົ່າ ແລະ ດືື່ມນໍ້າຊາ ປີ 2024 ແລະ ງານມະຫາກໍາກິລາໂຍນໝາກຄອນ 3 ແຈປະເທດ ກໍ່ຄືແຕ່ລະອະນຸກຳມະການ ສືບຕໍ່ຈັດຕັ້ງປະຕິບັດແຜນວຽກຂອງຕົນເອງໃຫ້ໄປຕາມແຜນທີ່ວາງໄວ້, ສືບຕໍ່ກະກຽມແຜນວຽກທີ່ຍັງຄົງຄ້າງໃຫ້ສຳເລັດ, ເນັ້ນໃຫ້ແຕ່ລະອະນຸກຳມະການໄລ່ລຽງຄື້ນດ້ານງົບປະມານໃຫ້ສອດຄ່ອງກັບແຜນວຽກບົນພື້ນຖານປະຍັດມັດທະຍັດ, ພ້ອມກັນນັ້ນໃຫ້ແຕ່ລະອະນຸກຳມະການທີ່ມີສ່ວນພົວພັນກັນນັ້ນແມ່ນໃຫ້ສືບຕໍ່ຈັດກອງປະຊຸມປືກສາຫາລື ເພື່ອເປັນເອກະພາບກັບບັນດາວຽກທີ່ກ່ຽວພັນໃຫ້ໄປລວງດຽວກັນ ແລະ ມີຜົນສຳເລັດ ຮຽກຮ້ອງໃຫ້ແຕ່ລະອະນຸກຳມະການເປັນເຈົ້າການປູກລະດົມພະນັກງານສະມາຊີກພັກຂອງຕົນມີສ່ວນຮ່ວມໃນການເປັນເຈົ້າພາບຈັດງານເທດສະການອາຫານເຜົ່າ ແລະ ດືື່ມນໍ້າຊາ ປີ 2024 ແລະ ງານມະຫາກໍາກິລາໂຍນໝາກຄອນ 3 ແຈປະເທດ ທີີ່ແຂວງຜົ້ງສາລີ ໃຫ້ປະສົບຜົນສໍາເລັດຕາມຄາດໝາຍທີ່ວາງໄວ້.
( ພາບ-ຂ່າວ: ແສງຄຳ ສາລີວັນ )
