ໜ້າຫຼັກ / ການເຄື່ອນໄຫວ / ກອງບັນຊາການທະຫານແຂວງຜົ້ງສາລີ, ປາຖະກະຖາເລົ່າມູນເຊື້ອວັນສໍາຄັນຂອງພັກ-ຂອງຊາດ.
ກອງບັນຊາການທະຫານແຂວງຜົ້ງສາລີ, ປາຖະກະຖາເລົ່າມູນເຊື້ອວັນສໍາຄັນຂອງພັກ-ຂອງຊາດ.
ໂດຍປະຕິບັດຕາມແຈ້ງການແນະນໍາ ຂອງຄະນະໂຄສະນາອົບຮົມແຂວງ, ສະບັບເລກທີ 349/ຄອຂ ລົງວັນທີ 26 ກັນຍາ 2024 ວ່າດ້ວຍການຈັດຕັ້ງໂຄສະນາ-ປາຖະກະຖາ ເລົ່າປະຫວັດມູນເຊື້ອວັນສໍາຄັນຂອງພັກ-ຂອງຊາດ ແລະ ຂອສາກົນ, ມາໃນຕອນເຊົ້າຂອງວັນທີ 16 ຕຸລາ 2024 ນີ້, ຢູ່ທີ່ສະໂມສອນກອງບັນຊາການທະຫານແຂວງຜົ້ງສາລີ, ໄດ້ຈັດພິທີປາຖະກະຖາເລົ່າມູນເຊື້ອວັນສໍາຄັນຂອງພັກ-ຂອງຊາດ, ໂດຍການເປັນປະທານ ແລະ ປາຖະກະຖາຂອງ ສະຫາຍ ພົນຈັດຕະວາ ຊຽງເພັງ ບົວລະວົງ ເລຂາຄະນະພັກ ຫົວໜ້າການເມືອງກອງບັນຊາການທະຫານແຂວງ, ມີສະຫາຍ ພັນເອກ ຄໍາພອນ ແສນສີວົງສາ ຮອງເລຂາຄະນະພັກ ຫົວໜ້າການທະຫານ ກອງບັນຊາການທະຫານແຂວງ, ມີຄະນະພັກ-ຄະນະບັນຊາ ກອງບັນຊາການທະຫານແຂວງ, ນາຍ ແລະ ພົນທະຫານ ອົງການ 5 ຫ້ອງ, ໂຮງໝໍທະຫານແຂວງ, ກອງຮ້ອຍ 23 ແລະ ກອງຮ້ອຍ 409 ເຂົ້າຮ່ວມ.
ໃນພິທີ ສະຫາຍ ພົນຈັດຕະວາ ຊຽງເພັງ ບົວລະວົງ ເລຂາຄະນະພັກ ຫົວໜ້າການເມືອງກອງບັນຊາການທະຫານແຂວງ, ໄດ້ບັນຍາຍເອກະສານວັນສ້າງຕັ້ງການທູດລາວ ຄົບຮອບ 79 ປີ, ແລະ 39 ປີ, (12/10/1945 ແລະ 12/10/1975-12/10 ແລະ 12/10/2024), ເອກະສານວັນປະກາດເອກະລາດ 12 ຕຸລາ ຄົບຮອບ 79 ປີ, (12 ຕຸລາ 1945-12 ຕຸລາ 2024), ຈາກນັ້ນ ສະຫາຍ ພັນເອກ ສົມຈັນ ລອດສຸລີ ຄະນະປະຈໍາພັກ ຫົວໜ້າຫ້ອງການເມືອງກອງບັນຊາການທະຫານແຂວງຜົ້ງສາລີ, ໄດ້ຂຶ້ນບັນຍາຍເອກະສານວັນຊາດ ສປ ຈີນ ຄົບຮອບ 75 ປີ, ( 01/10/1949-01/10/2024), ເອກະສານລະນຶກວັນສາກົນ ແລະ ສັບປະດາແຫ່ງຊາດເພື່ອລຶບລ້າງຄວາມທຸກຍາກຂອງ ສປປລາວ ຄົບຮອບ 37 ປີ, ແລະ 21 ປີ, (17/10/1987 ແລະ 24/10/2003-17/10/2024 ແລະ 24/10/2024, ເອກະສານວັນຄູແຫ່ງຊາດ ຄົບຮອບ 30 ປີ, (07/101994-07/10/2024), ພ້ອມດຽວກັນນີ້ ສະຫາຍ ພັນໂທ ບຸນເພັງ ແສງສຸລີ ຄະນະພັກກອງບັນຊາການທະຫານແຂວງ, ຮອງຫົວໜ້າຫ້ອງການເມືອງ, ໄດ້ຂຶ້ນຜ່ານຂໍ້ຕົກລົງຂອງກະຊວງປ້ອງກັນປະເທດ, ສະບັບເລກທີ724, 4020,4562,/ກປທ ນະຄອນຫຼວງວຽງຈັນ, ລົງວັນທີ 15/07/2024, ວ່າດ້ວຍການມອບຫຼຽນກຽດຕິຄຸນກອງທັບປະຊາຊົນລາວ, ແລະ ຂໍ້ຕົກລົງຂອງກະຊວງປ້ອງກັນປະເທດ ກົມໃຫຍ່ການເມືອງກອງທັບ ສະບັບເລກທີ 73, 7987/ກມທ ນະຄອນຫຼວງວຽງຈັນ, ລົງວັນທີ 02/01/2024, ວ່າດ້ວຍການມອບຫຼຽນໄຊພິລະອາດຫານ ແລະ ໃບຍ້ອງຍໍ ໃນນີ້: ຫຼຽນໄຊພິລະອາດຫານຊັ້ນ I ຈໍານວນ 14 ສະຫາຍ, ຫຼຽນໄຊພິລະອາດຫານຊັ້ນ II ຈໍານວນ 13 ສະຫາຍ, ແລະ ຫຼຽນໄຊພິລະອາດຫານຊັ້ນ III ຈໍານວນ 10 ສະຫາຍ, ຂໍ້ຕົກລົງ ຂອງຄະນະຊີ້ນໍາການແຂ່ງຂັ້ນ-ຍ້ອງຍໍ ຮັກຊາດ ແລະ ຶພັດທະນາ ສະບັບເລກທີ 01/ຄຊຂຍ ຜົ້ງສາລີ, ລົງວັນທີ 25 ມີນາ 2024 ວ່າດ້ວຍການຍ້ອງຍໍສັນລະເສີນໃຫ້ແກ່ບຸກຄົນດີເດັ່ນໃນການຂະບວນການແຂ່ງຂັນ-ຍ້ອງຍໍ ຮັກຊາດ ແລະ ພັດທະນາ ແຂວງຜົ້ງສາລີ, ປະຈໍາປີ 2023, ແລະ ຂໍ້ຕົກລົງຂອງກອງບັນຊາການທະຫານແຂວງຜົ້ງສາລີ, ສະບັບເລກທີ 116/ກບຊກ ຜົ້ງສາລີ, ລົງວັນທີ 05/3/2024 ວ່າດ້ວຍການມອບໃບຍ້ອງຍໍໃຫ້ແກ່ກົມກອງລວມໝູ່ ແລະ ບຸກຄົນ, ພ້ອມທັງຜ່ານຂໍ້ຕົກລົງຂອງກະຊວງປ້ອງກັນປະເທດ ສະບັບເລກທີ 4748, 4749/ກປທ ນະຄອນຫຼວງວຽງຈັນ, ລົງວັນທີ 29/7/2024, ວ່າດ້ວຍການປະດັບທຽບຊັ້ນນາຍທະຫານໃຫ້ນັກຮຽນ ຮຽນຈົບວິຊາສະເພາະຈາກສາຍລັດ ຢູ່ກອງບັນຊາການທະຫານແຂວງຜົ້ງສາລີ, ປະດັບທຽບຊັ້ນຮ້ອຍໂທ ຈໍານວນ 10 ສະຫາຍ, ຍິງ 1 ສະຫາຍ, ປະດັບທຽບຊັ້ນຮ້ອຍຕີ ຈໍານວນ 9 ສະຫາຍ, ຍິງ 1 ສະຫາຍ, ຈາກນັ້ນ ສະຫາຍ ພັນໂທ ສົມພັນ ແກ້ວເພັງສີ ຮອງຫົວໜ້າຫ້ອງເສນາທິການກອງບັນຊາການທະຫານແຂວງ, ໄດ້ຂຶ້ນຜ່ານຂໍ້ຕົກລົງ ຂອງກົມໃຫຍ່ເສນາທິການກອງທັບ ສະບັບເລກທີ2167/ກສນ ນະຄອນຫຼວງວຽງຈັນ, ລົງວັນທີ 21/08/2024, ວ່າດ້ວຍການອະນຸມັດເລື່ອນຊັ້ນນາຍສິບຢູ່ກອງບັນຊາການທະຫານແຂວງຜົ້ງສາລີ, ຈໍານວນ 53 ສະຫາຍ, 01 ສະຫາຍ.
ໃນພິທີທີ່ມີຄວາມໝາຍຄວາມສໍາຄັນ ສະຫາຍ ພົນຈັດຕະວາ ຊຽງເພັງ ບົວລະວົງ ປະທານພິທີໄດ້ໂອ້ລົມຕໍ່ພິທີ ເຊິ່ງກ່ອນອື່ນສະຫາຍໄດ້ສະແດງຄວາມຍ້ອງຍໍຊົມເຊີຍຕໍ່ຜູ້ທີ່ມີຜົນງານດີເດັ່ນໃນການປົກປັກຮັກສາ ແລະ ສ້າງສາພັດທະນາປະເທດຊາດ, ທີໄດ້ການປະດັບຫຼຽນ ແລະ ໃບຍ້ອງຍໍຂັ້ນຕ່າງໆ, ພ້ອມທັງເນັ້ນໜັກຜູ້ທີ່ຖືກເລື່ອນຊັ້ນ, ເລື່ອນທຽບຊັ້ນ, ໃນຄັ້ງນີ້ຈົ່ງພ້ອມກັນຫ້າວຫັນເຮັດສໍາເລັດໜ້າທີ່ການເມືອງຂອງຕົນໃຫ້ດີຂຶ້ນກວ່າເກົ່າ, ເປັນຕົ້ນແມ່ນຄວາມເປັນແບບຢ່າງທີ່ດີໃນການປະຕິບັດຂໍ້ກໍານົດກົດລະບຽບຂອງພັກ-ກົດໝາຍຂອງລັດ ແລະ ຂອງກົມກອງວາງອອກໃຫ້ເຂັ້ມງວດ, ມີຄວາມສາມັກຄີພາຍໃນ ແລະ ພາຍນອກຢ່າງແໜ້ນແຟ້ນ, ເພື່ອສ້າງໃຫ້ກົມກອງມີຄວາມສະຫງົບ ໂດຍພື່ນຖານ ແລະ ໄດ້ຮຽກຮ້ອງໃຫ້ພ້ອມກັນປະຕິບັດ 4 ໜ້າທີ່ໃຫຍ່ 26 ແຜນງານທີ່ຄະນະພັກກວງຊວງປ້ອງກັນປະເທດວາງອອກໃຫ້ປະກົດຜົນເປັນຈິ່ງເທື່ອລະກ້າວ.
