ໜ້າຫຼັກ / ການເຄື່ອນໄຫວ / ປະກາດສ້າງຕັ້ງກອງຮ້ອຍປ້ອງກັນຕົວ ລັດວິສາຫະກິດໄຟຟ້າລາວສາຂາແຂວງຜົ້ງສາລີ
ໃນຕອນເຊົ້າຂອງວັນທີ 23 ຕຸລາ 2024 ນີ້, ນະທີ່ຫ້ອງປະຊຸມລັດວິສາຫະກິດໄຟຟ້າລາວສາຂາແຂວງຜົ້ງສາລີ, ໄດ້ຈັດພິທີປະກາດສ້າງຕັ້ງກອງຮ້ອຍປ້ອງກັນຕົວ ລັດວິສາຫະກິດໄຟຟ້າລາວສາຂາແຂວງຜົ້ງສາລີ, ໂດຍການເປັນປະທານຂອງ ສະຫາຍ ວິສອນ ລາວເມົາ ຮອງເຈົ້າແຂວງໆຜົ້ງສາລີ, ຄະນະຮັບຜິດຊອບຊີ້ນໍາຂັ້ນແຂວງ, ສະຫາຍ ພັນເອກ ບຸນລ້ອມ ອຸດົມສຸກ ຫົວໜ້າກົມການທະຫານທ້ອງຖິ່ນ, ມີສະຫາຍ ພັນເອກ ຄໍາພອນ ແສນສີວົງສາ ຮອງເລຂາຄະນະພັກ ຫົວໜ້າການທະຫານກອງບັນຊາການທະຫານແຂວງ, ພ້ອມດ້ວຍທີມງານຂັ້ນກະຊວງ ແລະ ທີມງານແຂວງຜົ້ງສາລີ, ມີພະແນກການທີ່ກ່ຽວຂ້ອງຕະຫຼອດຮອດພະນັກງານລັດຖະກອນເຂົ້າຮ່ວມ.
ໃນພິທີ ສະຫາຍ ພັນເອກ ຄໍາພອນ ແສນສີວົງສາ ຮອງເລຂາຄະນະພັກ ຫົວໜ້າການທະຫານກອງບັນຊາການທະຫານແຂວງ, ໄດ້ຂຶ້ນຜ່ານຂໍ້ຕົກລົງຂອງປະທານຄະນະກໍາມະການ ປກຊ-ປກສ ແຂວງ, ສະບັບເລກທີ 95/ປກຊ-ປກສ.ຂ ຜົ້ງສາລີ, ລົງວັນທີ 7 ພຶດສະພາ 2024 ວ່າດ້ວຍການແຕ່ງຕັ້ງກອງຮ້ອຍກໍາລັງປ້ອກັນຕົວບໍລິສັດ ລັດວິສາຫະກິດໄຟຟ້າລາວ ສາຂາແຂວງຜົ້ງສາລີ, ຈາກນີ້ ສະຫາຍ ພັນໂທ ນຸດ ດວງສີວັນ ຄະນະພັກກອງບັນຊາການທະຫານແຂວງ, ຮອງຫົວໜ້າຫ້ອງເສນາທິການກອງບັນຊາການທະຫານແຂວງຜົ້ງສາລີ, ໄດ້ຂຶ້ນຜ່ານໂຄງປະກອບການຈັດຕັ້ງຂອງກອງຮ້ອຍ, ກໍາລັງປ້ອງກັນຕົວ ລັດວິສາຫະກິດໄຟຟ້າລາວ ສາຂາແຂວງຜົ້ງສາລີ, ຄະນະກອງຮ້ອຍ, ໃນນີ້ແຕ່ງຕັ້ງສະຫາຍ ອຸ່ນເນື້ອ ສີວັນເພັງ ເປັນຫົວໜ້າຜູ້ຊີ້ນໍາລວມ, ສະຫາຍ ຄໍາຮັກ ລຸນທະວົງ, ສະຫາຍ ຄໍາເພັດ ສີພະສຸກ, ສະຫາຍ ພູວອນ ນາມວົງ ເປັນຮອງ, ຄະນະໝວດທີ 1 ປະຈໍາສະຖານີສາຂາເມືອງບຸນເໜືອ, ແຕ່ງຕັ້ງ ສະຫາຍ ສີປະເສີດ ຊຽງເຮົ້າ ເປັນຫົວໜ້າ, ສະຫາຍ ນາງ ມະນີວັນ ແກ້ວຍະສານ ເປັນຮອງ, ຄະນະໝວດທີ 2 ປະຈໍາສະຖານີ ບ້ານຊິງໄຊ ສາຂາເມືອງບຸນໃຕ້, ໃນນີ້ແຕ່ງຕັ້ງ ສະຫາຍ ບຸນທຽງ ນໍກັນທະໄລ ເປັນຫົວໜ້າ, ສະຫາຍ ບຸນຈັນ ສີຫາລາດ ເປັນຮອງ, ແລະ ຄະນະໝວດທີ 3 ປະຈໍາສະຖານີ ບ້ານຫ້ວຍຍາງ ເມືອງຂວາ ໃນນີ້ແຕ່ງຕັ້ງ ສະຫາຍ ຄໍາຈັນ ສານລາສີ ເປັນຫົວໜ້າ, ສະຫາຍ ອາມິດ ສຸກປັນຍາ ເປັນຮອງ.
ໃນພິທີທີ່ມີຄວາມໝາຍຄວາມສໍາຄັນ ສະຫາຍ ວິສອນ ລາວເມົາ ໄດ້ສະແດງຄວາມຍ້ອງຍໍຊົມເຊີຍ ທີ່ໄດ້ປະກາດສ້າງຕັ້ງກອງຮ້ອຍປ້ອງກັນຕົວ ລັດວິສາຫະກິດໄຟຟ້າລາວສາຂາແຂວງຜົ້ງສາລີ ຄັ້ງນີ້, ແມ່ນຂີດໝາຍໜຶ່ງທີ່ໄດ້ຍົກສູງທາງດ້ານຄວາມຮັບຜິດຊອບຕໍ່ວຽກງານ ປກຊ-ປກສ ເພື່ອນແກ້ໄຂສະຖານະການທີ່ຈະເກີດຂຶ້ນໃນສະເພາະໜ້າ ແລະ ຍາວນານ, ຕ້ອງຍົກສູງຄວາມຮັບຜິດຊອບຮຽນຮູ້ທາງດ້ານສິນລະປະຍຸດ, ຍຸດທະວິທີ, ທ່າຈັງຫວະພື້ນຖານໃນການນໍາໃຊ້ອາວຸດ-ຍຸດໂທ, ທີ່ຂັ້ນເທິງໄດ້ປະກອບໃຫ້ດີຂຶ້ນກວ່າເກົ່າ, ເຊິ່ງແມ່ນຊ່ວງໄລຍະທີສະພາບການຂອງໂລກ ແລະ ພາກພື້ນມີການຜັນແປ່ໄປຢ່າງສັບສົນ, ເພື່ອສ້າງເງື່ອນໄຂສົ່ງກໍາລັງແບບຖືກກົດໝາຍ, ເຂົ້າມາເຄື່ອນໄຫວກໍາສະພາບການ, ຕ້ອງຍົກສູງສະຕິການກຽມພ້ອມເອົາໃຈໃສ່ປັບປຸງກໍ່ສ້າງກໍາລັງກອງຫຼອນ ແລະ ກໍາລັງປ້ອງກັນຕົວເຊືອມຊຶ່ມວຽກງານ ປກຊ-ປກສ ໃຫ້ມີຄວາມເຂັ້ມແຂງທາງດ້ານການຈັດຕັ້ງ, ສະນັ້ນທຸກຄົນຕ້ອງມີສວນຮ່ວມໃນການຈັດຕັ້ງປະຕິບັດ 2 ໜ້າທີ່ຍຸດທະສາດໃນການປົກປັກຮັກສາ ແລະ ສ້າງສາພັດທະນາປະເທດຊາດ, ດັ່ງນັ້ນພັກ-ລັດ ໄດ້ມີແຜນການເປີດຊຸດອົບຮົມຫັດແອບການທະຫານ-ການເມືອງປະຈໍາໄຕມາດ, ປະຈໍາປີ ໃຫ້ກໍາລັງກອງຫຼອນ-ກໍາລັງປ້ອງກັນຕົວຂອງທຸກໆປີເຮັດໃຫ້ວຽກງານດັ່ງກ່າວມີຄວາມໜັກແໜ້ນເຂັ້ມແຂງສູງຂຶ້ນກວ່າເກົ່າ.
