ໜ້າຫຼັກ / ການເຄື່ອນໄຫວ / ກອງຮ້ອຍ 23 ສະຫຼຸບການຈັດຕັ້ງປະຕິບັດໜ້າທີ່ວຽກງານ ປະຈໍາ 3 ເດືອນ ແລະ ວາງທິດທາງແຜນການ 3 ເດືອນທ້າຍປີ 2024
ໂດຍອີງຕາມແຈ້ງການ ເລກທີ 04 /ຫກ ຂອງຫົວໜ້າຫ້ອງການ ກອງບັນຊາການທະຫານແຂວງຜົ້ງສາລີ ວ່າດ້ວຍການສະຫຼຸບສັງລວມ ແລະ ລາຍງານການຈັດຕັ້ງປະຕິບັດວຽກງານປະຈຳວັນ, ປະຈຳອາທິດ, ປະຈໍາເດືອນ,ປະຈຳໄຕມາດ, 6 ເດືອນ ແລະ ປະຈຳປີ, ໃນຕອນເຊົ້າຂອງວັນທີ 25 ຕຸລາ 2024 ຜ່ານມານີ້, ຢູ່ທີ່ສະໂມສອນກອງຮ້ອຍ 23 ໄດ້ຈັດພິທີສະຫຼຸບການຈັດຕັ້ງປະຕິບັດໜ້າທີ່ວຽກງານປະຈຳ 3 ເດືອນ ແລະ ວາງທິດທາງແຜນການ 3 ເດືອນທ້າຍປີ2024 ໂດຍການເປັນປະທານຂອງສະຫາຍ ພັນໂທ ສີສະຫວ່າງ ຢິນນະຕານ ຮອງເລຂາໜ່ວຍພັກ ຫົວໜ້າການທະຫານ ກອງຮ້ອຍ 23 ເຂົ້າຮ່ວມມີຄະນະພັກ-ຄະນະບັນຊາກົມກອງ ພ້ອມດ້ວຍພະນັກງານ-ນັກຮົບເຂົ້າຮ່ວມຢ່າງພ້ອມພຽງ.
ໃນພິທີສະຫາຍ ພັນໂທ ສີສະຫວ່າງ ຢິນນະຕານ ຮອງເລຂາໜ່ວຍພັກ ຫົວໜ້າການທະຫານ ໄດ້ຜ່ານບົດສະຫຼຸບ ແລະ ທິດທາງແຜນການ ເຊິ່ງຕີລາຄາຄືນດ້ານດີ, ດ້ານອ່ອນ ແລະ ບົດຮຽນທີທອດຖອນໄດ້ໃນໄລຍະ 3 ເດືອນຜ່ານມາມີດັ່ງນີ້: ກອງຮ້ອຍ 23 ແມ່ນກົມກອງໜຶ່ງທີ່ເຮັດໜ້າທີ່ປ້ອງກັນທີ່ຕັ້ງ, ປ້ອງກັນເທດສະບານ ແລະບັນດາໂຮງຈັກຕ່າງໆເປັນຕົ້ນແມ່ນ ເຂື່ອນໄຟ້ຟ້ານ້ຳອູ6, ຫ້ອງການນໍ້າປະປາ, ປ້ອມນໍ້າປະປາຕາມແຕ່ລະຈຸດ, ດັ່ງນັ້ນຄະນະພັກ-ຄະນະບັນຊາກົມກອງໄດ້ຖືສໍາຄັນໃນການສຶກສາອົບຮົມວຽກງານການເມືອງແນວຄິດໃຫ້ແກ່ພະນັກງານ-ນັກຮົບ ມີຄວາມຮັບຮູ້ ແລະ ເຂົ້າໃຈຕໍ່ແນວທາງນະໂຍບາຍຂອງພັກ, ກົດໝາຍຂອງລັດ, ມະຕິຄໍາສັ່ງຂອງຂັ້ນເທິງ, ຂໍ້ກໍານົດກົດລະບຽບຕ່າງໆຂອງກອງທັບວາງອອກຢ່າງເຂັ້ມງວດ, ທິດທາງລວມຂອງກົມກອງຄະນະພັກ-ຄະນະບັນຊາ ແລະ ພະນັກງານ-ນັກຮົບ ສືບຕໍ່ເປັນເຈົ້າການ ຈັດຕັ້ງປະຕິບັດແຜ່ນການປະຈຳປີຂອງກົມກອງວາງອອກໃຫ້ໄດ້ຕາມຄາດໜາຍ, ເອົາໃຈໃສ່ເຄື່ອນໄຫວຕິດຕາມເກັບກຳສະພາບຂອບເຂດກົມກອງຮັບຜິດຊອບໃຫ້ມີຄວາມສະຫງົບປອດໄພໂດຍພື້ນຖານ, ຍົກສູງບົດບາດການນຳພາຂອງພັກ ກໍ່ຄືຂອງຄະນະພັກ-ຄະນະບັນຊາກົມກອງໃຫ້ມີຄວາມເຂັ້ມແຂງ, ໜັກແໜ້ນ ຕິດພັນກັບການກໍ່ສ້າງໜ່ວຍພັກປອດໃສ ເຂັ້ມແຂງ ແລະ ໜັກແໜ້ນ, ໃນພິທີນາຍແລະ ພົນທະຫານຍັງໄດ້ປະກອບຄຳຄິດຄຳເຫັນໃສ່ບົດສະຫຼຸບ ແລະ ທິດທາງແຜນການຢາງກົງໄປກົງມາເພື່ອເຮັດໃຫ້ເນື້ອໃນຄົບຖ້ວນ ແລະ ສົມບູນ.
ໂອກາດດັ່ງກ່າວຍັງໄດ້ມອບໃບຍ້ອງຍໍຂອງທ່ານເຈົ້າແຂວງຜົ້ງສາລີ ໃຫ້ແກ່ນາຍ ແລະ ພົນທະຫານ ຜູ້ທີ່ມີຜົນງານດີເດັ່ນໃນໄລຍະຜ່ານມາຈຳນວນ 43 ສະຫາຍ. ພ້ອມທັງຮັບຟັງການໂອ້ລົມຂອງ ສະຫາຍ ພັນໂທ ສີສະຫວ່າງ ຢິນນະຕານ ກ່ອນອືນສະຫາຍໄດ້ສະແດງຄວາມຍ້ອງຍໍຊົມເຊີຍຕໍ່ຜູ້ທີ່ມີຜົນງານດີເດັ່ນໃນການປົກປັກຮັກສາ ແລະ ສ້າງສາປະເທດຊາດພ້ອມທັງໄດ້ເນັ້ນໜັກໃຫ້ນາຍ ແລະ ພົນທະຫານ ຈົ່ງພ້ອມກັນຫ້າວຫັນເຮັດສໍາເລັດໜ້າທີ່ການເມືອງຂອງຕົນໃຫ້ດີຂຶ້ນກວ່າເກົ່າ, ປະຕິບັດຂໍ້ກຳນົດກົດລະບຽບຂອງພັກ-ກົດໜາຍຂອງລັດ ຂອງກອງທັບ ແລະ ຂອງກົມກອງວາງອອກຢ່າງເຂັ້ມງວດ, ຈົ່ງຮັດແໜ້ນຄວາມສາມັກຄີພາຍໃນ ແລະ ພາຍນອກ ໃຫ້ແໜ້ນແຟ້ນຂຶ້ນໄປເລື້ອຍໆ ເພື່ອສ້າງກົມກອງໃຫ້ມີຄວາມສະຫງົບໂດຍພື້ນຖານ ແລະ ໄດ້ຮຽກຮ້ອງໃຫ້ນາຍ ແລະ ພົນທະຫານຈົ່ງພ້ອມກັນຈັດຕັ້ງປະຕິບັດທິດທາງແຜນການໃນຕໍ່ໜ້າທີ່ຄະນະພັກ-ຄະນະບັນຊາກົມກອງວາງອອກໃຫ້ປະກົດຜົນເປັນຈິ່ງເປັນກ້າວໆ.
