ໜ້າຫຼັກ / ການເຄື່ອນໄຫວ / ເມືອງຍອດອູສຳເລັດກອງປະຊູມອົງການປົກຄອງເມືອງເປີດກ້ວາງຄັ້ງທີ 10 ຊຸດທີ III
ໂດຍປະຕິບັດຕາມມະຕິກອງປະຊຸມໃຫ່ຍຄັ້ງທີ XI ຂອງພັກ,ມະຕິກອງປະຊຸມໃຫ່ຍຄັ້ງທີ XI ຂອງແຂວງເວົ້າລວມເວົ້າສະເພາະເມືອງຍອດອູພວມສຸ່ມໃສ່ການຈັດຕັ້ງປະຕິບັດເນີ້ອໃນກອງປະຊຸມໃຫ່ຍຂອງອົງຄະນະພັກເມືອງ ແລະ ແຜນພັດທະນາເສດຖະກິດຢ່າງເປັນຂະບວນຝົດຟື້ນ.
ມາໃນຕອນເຊົ້າຂອງວັນທີ 13 ມັງກອນ 2025 ນີ້ຢູ່ສະໂມສອນໃຫ່ຍຂອງເມືອງຍອດອູໄດ້ຈັດກອງປະຊຸມອົງການປົກຄອງເມືອງຄັ້ງທີ 10 ຊຸດທີ III ຂື້ນຢ່າງເປັນທາງການໂດຍພາຍໃຕ້ການເປັນປະທານຂອງ ສະຫາຍ ສົມຫວັງ ສຸມວິໄລ ກຳມະການພັກແຂວງ ເລຂາພັກເມືອງ ເຈົ້າເມືອງ - ເມືອງຍອດອູ, ເຂົ້າຮ່ວມມີບັນດາກໍາມະການປະຈໍາພັກເມືອງ,ກໍາມະການພັກເມືອງ,ຫົວໜ້າ-ຮອງຫົວໜ້າຫ້ອງການ,ຫົວໜ້າກອງບັນຊາການ ປກສ-ປກຊ ທະນະຄານ, ໄຟຟ້າລາວ, ນ້ຳປະປາ ປະຈໍາເມືອງຍອດອູ, ເລຂາຄະນະພັກຮາກຖານກຸ່ມ, ນາຍບ້ານເທດສະບານຕະຫຼອດຮອດຫົວໜ້າໜ່ວຍງານເຂົ້າຮ່ວມ.ໃນກອງປະຊູມ ສະຫາຍ ສົມຫວັງ ສຸມວິໄລ ກຳມະການພັກແຂວງ ເລຂາພັກເມືອງ ເຈົ້າເມືອງ - ເມືອງຍອດອູໄດ້ມີຄໍາເຫັນ ແລະ ກ່າວເປີດກອງປະຊຸມ ເຊິ່ງກອງປະຊຸມຄັ້ງນີ້ຈະໄດ້ພ້ອມກັນສຸມສະຕິປັນຍາຄົ້ນຄົ້ນປືກສາຫາລືສະຫຼູບຕີລາຄາໃນການຈັດຕັ້ງປະຕິບັດວຽກງານຮອບດ້ານຂອງອົງການປົກຄອງເມືອງຍອດອູໃນໄລຍະ1ຜ່ານມາ,ແຜນພັດທະນາ
ເສດຖະກິດ-ສັງຄົມ ແລະ ແຜນງົບປະມານການເງິນ ປະຈໍາປີ 2024 ທັງນີ້ກໍ່ເພື່ອລາຍງານຜົນສໍາເລັດໃນການຈັດຕັ້ງປະຕິບັດວຽກງານໃນໄລຍະຜ່ານມາຂໍ້ສະດວກ,ບັນຫາທີຍັງຄົງຂ້າງ ແລະ ສິງທ້າທາຍຕ່າງໆພ້ອມນີ້ທ່ານຍັງໄດ້ຮຽກຮ້ອງໃຫ້ຜູ້ແທນກອງປະຊູມຈົ່ງພ້ອມກັນເອົາໃຈໃສ່ຄົ້ນຄົ້ວາປະກອບຄໍາຄິດຄໍາເຫັນຢ່າງພາວະວີໄສ ໃນກອງປະຊຸມຜູ້ເຂົ້າຮ່ວມໄດ້ຮັບຟັງການຜ່ານຮ່າງບົດສະຫຼູບຕີລາຄາຄືນຜົນການຈັດຕັ້ງປະຕິບັດວຽກງານຂອງອົງການປົກຄອງເມືອງຍອດອູປະຈໍາປີ 2024 ແລະ ກໍານົດທິດທາງແຜນການປະຈໍາປີ 2025, ຮັບຟັງບົດສະຫຼູບຕີລາຄາຄືນການຈັດຕັ້ງປະຕິບັດມະຕິກອງປະຊຸມໃຫ່ຍຄັ້ງທີ 9 ຂອງອົງການປົກຄອງເມືອງສະໄໝທີ X ຮັບຟັງບົດສະຫຼູບການຈັດຕັ້ງປະຕິບັດ ແຜນພັດທະນາເສດຖະກິດ-ສັງຄົມຂອງເມືອງປະຈໍາປີ 2024 ແລະ ກໍານົດທິດທາງແຜນການປະຈໍາປີ 2025, ຮັບຟັງບົດລາຍງານການຈັດຕັ້ງປະຕິບັດວ່າລະແຫ່ງຊາດ ວ່າດ້ວຍ ການແກ້ໄຂຄວາມທຸກຍາກທາງດ້ານເສດຖະກິດ-ການເງິນປະຈໍາປີ 2024, ແລະ ວາງທິດທາງແຜນການປະຈໍາປີ 2025, ຮັບຟັງບົດສະຫຼູບການຈັດຕັ້ງປະຕິບັດແຜນງົບປະມານປະຈໍາປີ 2024 ແລະ ກໍານົດທິດທາງແຜນການປະຈໍາປີ 2025 ,ຮັບຟັງບົດສະຫຼູບການພັດທະນາຊົນນະບົດ ແລະ ແກ້ໄຂຄວາມທຸກຍາກປະຈຳປີ 2024 ແລະ ທິດທາງແຜນການ ປະຈຳປີ 2025 , ຮັບຟັງບົດສະຫຼູບການຈັດຕັ້ງປະຕິບັດວຽກງານ 3 ສ້າງປະຈຳປີ 2024 ແລະ ທິດທາງແຜນການປະຈຳປີ 2025 ຮັບຟັງບົດສະຫຼູບການຈັດຕັ້ງປະຕິບັດການແກ້ໄຂບັນຫາຢາເສບຕິດປະຈໍາປີ 2024 ແລະ ທິດທາງແຜນການ-ການຈັດຕັ້ງປະຕິບັດໃນປີ 2025 ນອກນັ້ນຍັງໄດ້ຍົກໃຫ້ເຫັນການຈັດຕັ້ງປະຕິບັດວຽກງານຮອບດ້ານຕະຫຼອດໄລຍະ 1 ປິຜ່ານມາເຊິງອົງການປົກຄອງເມືອງຍອດອູໄດ້ສໍາເລັດວຽກງານຫຼາຍດ້ານເປັນຕົ້ນແມ່ນເສດຖະກິດມະຫາພາກປະຈໍາປີ 2024ເສດຖະກິດຂະຫຍາຍຕົວໃນລະດັບ 7,46% , ມູນຄ່າຜົນຜະລິດສະເລຍໃສ່ຫົວຄົນປະຕິບັດໄດ້ 25,03 ລ້ານກີບ ຫຼື ເທົ່າກັບ1.195ໂດລາຕໍ່ຄົນ, ຂົງເຂດກະສິກໍາປ່າໄມ້ຂະຫຍາຍຕົວ 73,38 % , ຂົງເຂດອຸດສາຫະກໍາຂະຫຍາຍຕົວ 13,06% ມາຮອດປະຈຸບັນທົ່ວເມືອງຍັງມີບ້ານທຸກຍາກ 27 ບ້ານ,ກວມ 36,98% ຂອງບ້ານທັງໝົດທຽບໃສ່ປີ 2023 ມີຈໍານວນຄອບຄົວທຸກຍາກຍັງເຫຼືອ 2,493 ຄອບຄົວ,ສ້າງບ້ານພັດທະນາໄດ້ 2 ບ້ານ, ທົ່ວເມືອງມີເສັ້ນທາງລົດເຂົ້າເຖີງ 73 ບ້ານ, ບ້ານຊົມໃຊ້ໄຟຟ້າ 49 ບ້ານ ແລະ ຊົມໃຊ້ໄຟຟ້າແສງຕາເວັນ 24 ບ້ານ ແລະ ຊົມໃຊ້ລະບົບໂທລະສັບດ້ວຍລະບົບຕ່າງໆມີ 64 ບ້ານ ນອກຈາກນື້ວຽກງານອື່ນໆກໍ່ຍັງສໍາເລັດຫຼາຍດ້ານເປັນຕັ້ນແມ່ນວຽກງານປ້ອງກັນຊາດ-ປ້ອງກັນຄວາມສະຫງົບ,ຂົງເຂດວັດທະນະທໍາ-ສັງຄົມ ແລະ ຂົງເຂດການເມືອງພ້ອມກັນນັ້ນຜູ້ແທນກອງປະຊຸມຍັງໄດ້ສຸມໃສ່ຄົ້ນຄົ້ວາປະກອບຄໍາຄິດເຫັນໃສ່ຮ່າງເອກະສານຕ່າງໆໂດຍສະເພາະແມ່ນບັນດາຄາດໝາຍສູ້ສົນປະຈໍາປີ 2025 ຢ່າງກົງໄປກົງມາຢ່າງມີບັນຍາກາດຝົດຟື້ນທັງນື້ກໍ່ເພື່ອເປັນບ່ອນອີງໃນການຈັດຕັ້ງປະຕິບັດໃນຕໍ່ໜ້າໂອກາດທີມີຄວາມໝາຍສໍາຄັນນີ້ ສະຫາຍ ສົມຫວັງ ສຸມວິໄລ ກຳມະການພັກແຂວງ ເລຂາພັກເມືອງ ເຈົ້າເມືອງ - ເມືອງຍອດອູ ຍັງໄດ້ຮຽກຮ້ອງມາຍັງຜູ້ແທນກອງປະຊຸມທຸກໆທ່ານຈົ່ງພ້ອມກັນເປັນເຈົ້າການ, ນໍາເອົາເນື້ອໃນຈິດໃຈຂອງກອງປະຊຸມຄັ້ງນີ້ນໍາໄປຜັນຂະຫຍາຍ ແລະ ນໍາໃຊ້ເຂົ້າໃນການຈັດຕັ້ງປະຕິບັດໃນແຕ່ລະຂົງເຂດວຽກງານເພື່ອສູ້ຊົນໃຫ້ໄດ້ຕາມຈຸດປະສົງ ແລະ ຕາມຄາດໝາຍທີ່ວາງໄວ້ໃຫ້ປະກົດຜົນເປັນຈິງ.
