ໜ້າຫຼັກ / ການເຄື່ອນໄຫວ / ພະແນກການອ້ອມຂ້າງແຂວງ, ກຳລັງ ປກສ ແຂວງ ພ້ອມຄະນະ ເຂົ້າອວຍພອນນາຍ ແລະ ພົນທະຫານ ກອງບັນຊາການທະຫານແຂວງຜົ້ງສາລີ.

ພະແນກການອ້ອມຂ້າງແຂວງ, ກຳລັງ ປກສ ແຂວງ ພ້ອມຄະນະ ເຂົ້າອວຍພອນນາຍ ແລະ ພົນທະຫານ ກອງບັນຊາການທະຫານແຂວງຜົ້ງສາລີ.

22 Jan 2025 | ນາງ ສຸນາລີ ອຸ່ນວີໄຊ |

ເນື່ອງໃນໂອກາດສະເຫຼີມສະຫຼອງວັນສ້າງຕັ້ງກອງທັບປະຊາຊົນຄົບຮອບ 76 ປີ ຄື: ວັນທີ 20 ມັງກອນ 1949 ເຖິງ 20 ມັງກອນ 2025 ທີ່ໄດ້ໝຸນວຽນມາບັນຈົບຄົບຮອບອີກວາລະໜຶ່ງ, ໃນຕອນເຊົ້າຂອງວັນທີ 22 ມັງກອນ 2025 ນີ້, ບັນດາພະແນກການອ້ອມຂ້າງແຂວງ, ກຳລັງ ປກສ ແຂວງ ພ້ອມດ້ວຍຄະນະ ນຳໂດຍ ສະຫາຍ ພອນໄຊ ແກ້ວສົມພັນ ກຳມະການປະຈໍາພັກແຂວງ, ປະທານແນວລາວສ້າງຊາດແຂວງ, ຜູ້ຊີ້ນໍາອົງການຈັດຕັ້ງມະຫາຊົນຂັ້ນແຂວງ, ມີສະຫາຍ ພັນເອກ ບົວເງິນ ສີທິວົງ ຄະນະພັກກອງບັນຊາການຮອງຫົວໜ້າກອງບັນຊາການ ປກສ ແຂວງ, ສະຫາຍ ບຸນເຫຼັກ ເປົ້າ ສະຖາບັນການເງິນຈຸລະພາກສາຂາເມືອງຜົ້ງສາລີ, ໄດ້ນຳເອົາກະຕ່າຂອງຂັວນເຂົ້່າອວຍພອນນາຍ ແລະ ພົນທະຫານ ໂດຍການຕ້ອນຮັບຂອງສະຫາຍ ພົນຈັດຕະວາ ຊຽງເພັງ ບົວລະວົງ ເລຂາຄະນະພັກ ຫົວໜ້າການເມືອງ ກອງບັນຊາການທະຫານແຂວງຜົ້ງສາລີ, ພ້ອມດ້ວຍຄະນະພັກ-ຄະນະບັນຊາ, ນາຍ ແລະ ພົນທະຫານຕ້ອນຮັບຢ່າງອົບອຸ່ນ.

ໃນພິທີ ສະຫາຍ ພອນໄຊ ແກ້ວສົມພັນ ກຳມະການປະຈໍາພັກແຂວງ, ປະທານແນວລາວສ້າງຊາດແຂວງ, ຜູ້ຊີ້ນໍາອົງການຈັດຕັ້ງມະຫາຊົນຂັ້ນແຂວງ, ໄດ້ກ່າວສະແດງຄວາມຢ້ຽມຢາມຖາມຂ່າວ ແລະ ອວຍພອນໄຊອັນປະເສີດມາຍັງຄະນະພັກ-ຄະນະບັນຊາກອງບັນຊາການທະຫານແຂວງຈົ່ງມີສຸຂະພາບແຂງແຮງ, ຫ້າວຫັນໝັ້ນຍືນ, ສືບຕໍ່ນໍາພາ-ຊີ້ນໍາກໍາລັງປະກອບອາວຸດກໍ່ຄືແຂວງຜົ້ງສາລີ, ໃຫ້ນັບມື້ເຕີບໃຫຍ່ ແລະ ເຂັ້ມແຂງຂຶ້ນໄປເລື້ອຍໆຈົນກາຍເປັນກອງທັບທີ່ມີແບບແຜນ ແລະ ທັນສະໄໝຂຶ້ນຢ່າງບໍ່ຢຸດຢັ້ງ, ອວຍພອນໄຊໄປຍັງພະນັກງານ-ນັກຮົບ ໃນທົ່ວທະຫານແຂວງ,ຈົ່ງມີສຸຂະພາບເຂັ້ມແຂງ ແລະ ພ້ອມກັນເຮັດສໍາເລັດໜ້າທີ່ວຽກງານທີ່ຂັ້ນເທິງໄດ້ມອບໝາຍໃຫ້ ແລະ ພ້ອມກັນຮັດແໜ້ນຄວາມສາມັກຄີໃຫ້ແໜ້ນແຟ້ນຂຶ້ນໄປເລື້ອຍໆ, ໃນການອວຍພອນຄັ້ງນີ້, ໄດ້ນໍາເອົາກະຕ່າດອກໄມ້ ແລະ ກະຕ່າຂອງຂວັນມາອວຍພອນ ແລະ ມອບໃຫ້ຄະນະພັກ-ຄະນະບັນຊາກອງບັນຊາການທະຫານແຂວງ, ພ້ອມດ້ວຍບັນດາພະແນກການຕ່າງໆ, ເນື່ອງໃນວັນສ້າງຕັ້ງກອງທັບປະຊາຊົນລາວ ຄົບຮອບ 76 ປີ, ໃຫ້ມີບັນຍາກາດຄຶກຄື້ນມ່ວນຊື້ນ.

ສະຫາຍ ພົນຈັດຕະວາ ຊຽງເພັງ ບົວລະວົງ ເລຂາຄະນະພັກ ຫົວໜ້າການເມືອງ ກອງບັນຊາການທະຫານແຂວງຜົ້ງສາລີ, ໄດ້ຕາງໜ້າຄະນະພັກ-ຄະນະບັນຊາ, ພະນັກງານ-ນັກຮົບ ກ່າວສະແດງຄວາມຂອບອົກຂອບໃຈຢ່າງສູງມາຍັງບັນດາພະແນກການອ້ອມຂ້າງແຂວງ, ທີ່ເຫັນໄດ້ຄວາມໝາຍ, ຄວາມສໍາຄັນຕໍ່ກັບວຽກງານປ້ອງກັນຊາດມາໂດຍຕະຫຼອດ, ເຊິ່ງມັນໄດ້ສ່ອງແສງໃຫ້ເຫັນເຖິ່ງນໍ້າໃຈ, ໄມຕີຈິດມິດຕະພາບ ແລະ ຄວາມສາມັກຄີຮັກແພງ ລະຫວ່າງ ກອງທັບກັບພະແນກການຕ່າງໆອ້ອມຂ້າງແຂວງໃຫ້ມີຄວາມຍືນຍົງຕະຫຼອດໄປ.

Share:

ຂ່າວຫຼ້າສຸດ

ການເມືອງ

ແຂວງຜົ້ງສາລີ ເຜີຍແຜ່ເອກະສານ ສຶກສາການເມືອງແນວຄິດ ສຳລັບ ສະມາຊິກພັກ ພະນັກງານ ເພືອດຳເນີນຊີວິດການເມືອງທົ່ວພັກ.

  • 01 May 2025
  • ຂ່າວ: ຍີນໄຊ ສີບຸນເຮືອງ

...

ອ່ານເພີ່ມ

ເມືອງຜົ້ງສາເຜີຍແຜ່ເຊື່ອມຊຶມເອກະສານສຶກສາອົບຮົມການເມືອງ-ແນວຄິດໃຫ້ສະມາຊິກພັກ-ພະນັກງານເພື່ອດໍາເນີນຊີວິດການເມືອງທົ່ວພັ

  • 03 Apr 2025
  • ນັກຂ່າວຫ້ອງການ ຖວທ ເມືອງຜົ້ງສາລີ

...

ອ່ານເພີ່ມ

ການເມືອງ

ຮອງເຈົ້າແຂວງຜົ້ງສາລີ ເນັ້ນໜັກ 5 ປະເດັ່ນຕໍ່ຜູ້ເຂົ້າຮ່ວມກອງປະຊຸມຮັບຮອງຜົນການປະເມີນເຂດຫ່າງໄກສອກຫຼີກ ແລະ ທຸລະກັນດານ ໃນທົ່ວແຂວງ ປະຈໍາປີ 2025

  • 02 Apr 2025
  • ຂ່າວ, ພາບ: ສົມຄິດ

ໃນໂອກາດທີທ່ານ ຄໍາເຫຼັກ ໃຈອີສານ...

ອ່ານເພີ່ມ

ນວັນທີ 2 ເມສາ 2025 ນີ້ ກອງບັນຊາການ ປກສ ເມືອງບຸນເໜືອປາຖະກະຖາວັນສ້າງຕັ້ງກຳລັງປ້ອງກັນຄວາມສະຫງົບ ຄົບຮອບ 64 ປີ

  • 02 Apr 2025
  • ພາບ_ຂ່າວ ຮທ ວອນຄຳ ເຫຼັກສາ

ໃນວັນທີ 2 ເມສາ 2025 ນີ້ ກອງບັນຊາການ ປກສ...

ອ່ານເພີ່ມ