ໜ້າຫຼັກ / ການເຄື່ອນໄຫວ / ສະຫະພັນກຳມະບານເມືອງສຳພັນແຂວງຜົ້ງສາລີ ດຳເນີນກອງປະຊຸມຄົບຄະນະ ຄັ້ງທີ 2 ສະໄໝທີ 8.
ໃນຕອນເຊົ້າຂອງວັນທີ 24 ມັງກອນ 2025 ນີ້ ທາງຫ້ອງການສະຫະພັນກຳບານເມືອງສຳພັນແຂວງຜົ້ງສາລີ ໄດ້ເປີດກອງປະຊຸມຄົບຄະນະ ຄັ້ງທີ 2 ສະໃໝທີ 8 ຂື້ນຢ່າງເປັນທາງການ,ໂດຍການເຂົ້າຮ່ວມເປັນປະທານ ຂອງທ່ານ ສີແພງ ວາເລັງວ້າ ຄະນະປະຈຳພັກເມືອງ ປະທານແນວລາວສ້າງຊາດ ຜູ້ຊີ້ນຳອົງການຈັດຕັ້ງມະຫາຊົນ,ມີທ່ານ ແອ ຍີນທະນົງ ກຳມະການພັກເມືອງ, ຄະນະບໍລິຫານງານສະຫະພັນກຳມະບານແຂວງ ປະທານສະຫະພັນກຳມະບານເມືອງ,ມີຄະນະບໍລິຫານງານສະຫະພັນກຳມະບານເມືອງ ແລະ ມີບັນດາປະທານກຳມະບານຮາກຖານ ຕະຫຼອດຮອດແຂກຖືກເຊີນຈາກອົງການຈັດຕັ້ງມະຫາຊົນເຂົ້າຮ່ວມ.
ໃນກອງປະຊຸມ ທ່ານ ແອ ຍີນທະນົງ ກຳມະການພັກເມືອງ, ຄະນະບໍລິຫານງານສະຫະພັນກຳມະບານແຂວງ ປະ ທານສະຫະພັນກຳມະບານເມືອງ ໄດ້ຂື້ນຜ່ານຮ່າງ ບົດຕີລາຄາທ່າແຂງ, ທ່າອ່ອນຂອງຄະນະບໍລິຫານງານສະຫະພັນກຳມະບານເມືອງ ເຊີງທ່ານໄດ້ໃຫ້ຮູ້ວ່າ; ສະຫະພັນກຳມະບານເມືອງສະໄໝທີ VIII ໄດ້ຮັບການເລືອກຕັ້ງໂດຍກົງຈາກຜູ້ແທນສົມບູນ 60 ສະຫາຍໃນກອງ ປະຊຸມໃຫຍ່ຄັ້ງທີ VIII ທີ່ໄຂຂື້ນໃນວັນທີ່ 29 ພະຈິກ 2024. ມີຈໍານວນຄະນະບໍລິຫານງານກຳມະບານເມືອງຈໍານວນ 15 ສະຫາຍ, ຍິງ 4 ສະຫາຍ; ຊຶ່ງເປັນຕົວແທນສະມາຊິກກຳມະ ບານໃນທົ່ວເມືອງເພື່ອຊີ້ນໍາພາລະກິດການພັດທະນາວຽກງານ ກຳມະບານໃຫ້ໄດ້ຮັບການຂະຫຍາຍຕົວຂື້ນຢ່າງບໍ່ຢຸດຢັ້ງ, ນອກຈາກນີ້ຄະນະບໍລິຫານງານສະຫະພັນກຳມະບານເມືອງສະໄໝທີ VIII ແຕ່ລະສະຫາຍລ້ວນແຕ່ມີທັດສະນະຫຼັກ ໝັ້ນການເມືອງທີ່ໜັກແໜ້ນຈໍາແນກໄດ້ມິດ-ສັດຕູຢ່າງຈະແຈ້ງ, ມີສະຕິລະວັງຕົວຕໍ່ກົນອຸບາຍຂອງພວກສັດຕູ ແລະ ມີອຸດົມການໜັກແໜ້ນ ເພື່ອປະຕິບັດຕາມແນວທາງການປ່ຽນແປງໃໝ່ຂອງພັກ, ມີຄວາມອົດທົນຜ່ານຜ່າທຸກຄວາມຫຍຸ້ງຍາກ, ຮູ້ນໍາພາຜັນຂະຫຍາຍ ແລະ ຈັດຕັ້ງປະຕິບັດຕົວຈິງຕາມເງື່ອນໄຂໃນແຕ່ລະຂົງເຂດວຽກງານ, ຫັນພະນັກງານລົງກໍ່ສ້າງຮາກຖານການເມືອງ, ພັດທະນາຊົນນະບົດຮອບດ້ານ ແລະ ແກ້ໄຂຄວາມທຸກຍາກ ຂອງຊາວຜູ້ອອກແຮງງານບັນດາເຜົ່າ, ພ້ອມນີ້ຍັງໄດ້ຮັບຟັງການຜ່ານແຜນດໍາເນີນງານຂອງຄະນະບໍລິຫານງານແຕ່ປີ 2025 - 2029, ຜ່ານຮ່າງທີ່ຕັ້ງ, ພາລະບົດບາດ, ໜ້າທີ່ ແລະ ຂອບເຂດສິດຂອງ ຄະນະບໍລິຫານງານສະຫະພັນກຳມະບານເມືອງ, ຜ່ານຮ່າງບົດຜັນຂະຫຍາຍມະຕິກອງປະຊຸມໃຫຍ່,ຈາກນັ້ນຜູ້ແທນເຂົ້າກອງປະຊຸມກໍ່ໄດ້ພ້ອມກັນປະກອບຄຳເຫັນຕໍ່ບົດສະຫຼຸບ ແລະ ທິດທາງຢ່າງກົງໄປກົງມາບົນຟື້ນຖານຄວາມເປັນເອກະພາບ,ໄປຈັດຕັ້ງປະຕິບັດວຽກກງານສະຫະພັນກຳມະບານໃນຕໍ່ໜ້າໃຫ້ມີບາດກ່າວຂະຫຍາຍຕົວເທືອລະກ່າວ.
ໃນຕອນທ້າຍກອງປະຊູມທ່ານ ສີແພງ ວາເລັງວ້າ ຄະນະປະຈຳພັກເມືອງ ປະທານແນວລາວສ້າງຊາດ ຜູ້ຊີ້ນຳອົງການຈັດຕັ້ງມະຫາຊົນ ໄດ້ມີຄຳເຫັນເໜັ້ນ ໃຫ້ຍົກສູງຄວາມຮັບຜິດຊອບຕໍ່ວຽກງານວິຊາສະເພາະ ຕໍ່ແບບແຜນວິທີ່ເຮັດວຽກ ແລະ ວຽກງານປ້ອງກັນຊາດ-ປ້ອງກັນຄວາມສະຫງົບ, ຮຽກຮອງໃຫ້ແຕ່ລະຮາກຖານກຳມະບານ ຕ້ອງມີຄວາມຕືນຕົວ ເສຍເງິນບໍລຸງ ແລະ ປະກອບສ່ວນເງິນກອງທືນຊ່ວຍເຫຼືອເຊີງກັນ ແລະ ກັນ,ນອກນີ້ຕ້ອງນຳເອົາເນື້ອໃຈຂອງກອງປະຊູມຄັ້ງນີ້ໄປຜັນຂະຫຍາຍໃຫ້ທົ່ວເຖີງຮາກຖານທ້ອງຖີນ.
