ໜ້າຫຼັກ / ການເຄື່ອນໄຫວ / ກອງປະຊຸມຈັດຕັ້ງຜັນຂະຫຍາຍ ແລະ ໂຄສະນາເຜີຍແຜ່ເນື້ອໃນຜົນສຳເລັດ ກອງປະຊຸມໃສໄໝສາມັນເທື່ອທີ 8 ຂອງສະພາແຫ່ງຊາດ ຊຸດທີ IX ແລະ ສາພາປະຊາຊົນແຂວງ ຊຸດທີ II.
ຕອນບ່າຍຂອງວັນທີ 27 ມັງກອນ 2025 ທີ່ສະໂມສອນຂອງເມືອງ ບຸນເໜືອ ແຂວງຜົ້ງສາລີ ໄດ້ເປີດກອງປະຊຸມຈັດຕັ້ງຜັນຂະຫຍາຍ ແລະ ໂຄສະນາເຜີຍແຜ່ເນື້ອໃນຜົນສຳເລັດ ກອງປະຊຸມສະໄໝສາມັນເທື່ອທີ 8 ຂອງສະພາແຫ່ງຊາດ ຊຸດທີ IX ແລະ ສາພາປະຊາຊົນແຂວງ ຊຸດທີ II ພາຍໃຕ້ການປັນປະທານຂອງທ່ານ ຫຸມເພັງ ຈອມວິສານ ກຳມະການພັກແຂວງ ຮອງປະທານສະພາປະຊາຊົນແຂວງ ພ້ອມດ້ວຍຄະນະສະມາຊິກສະພາປະຊາຊົນແຂວງປະຈໍາເມືອງບຸນເໜືອ.ເຂົ້າຮ່ວມມີທ່ານສົມພາບ ດາລາຈັກ ກຳມະການພັກແຂວງ ເລຂາພັກເມືອງເຈົ້າເມືອງ-ເມືອງບຸນເໜືອ.ມີຄະນະປະຈໍາພັກເມືອງ, ຄະນະກຳມະການພັກເມືອງ, ຫົວໜ້າ-ຄະນະຫ້ອງການ, ກໍາລັງປ້ອງກັນຊາດ-ປ້ອງກັນຄວາມສະຫງົບ, ພະນັກງານຫຼັກແຫຼ່ງ, ພະນັກງານລັດຖະກອນ ຕະຫຼອດຮອດອົງການຈັດຕັ້ງບ້ານພາຍໃນເທສະບານເມືອງເຂົ້າຮ່ວມ.
ໃນກອງປະຊຸມຄະນະທີມງານ ໄດ້ຜັດປ່ຽນກັນຂຶ້ນເຜີຍແຜ່ຜົນສຳເລັດກອງປະຊຸມສະໄໝສາມັນເທື່ອທີ 8 ຂອງສະພາແຫ່ງຊາດ ຊຸດທີ IX ເຊິ່ງມີຫຼາຍເອກະສານເປັນຕົ້ນແມ່ນ:ວຽກງານອົງການກວດສອບແຫ່ງລັດ, ສານປະຊົນສູງສຸດ ແລະ ອົງການໄອຍະການປະຊາຊົນສຸງສຸດ, ວຽກງານສ້າງ ແລະ ປັບປຸງກົດໝາຍ, ວຽກງານສາຍດ່ວນ, ວຽກງານອົງການປົກຄອງແຂວງ, ວຽກງານກວດສອບແຫ່ງລັດ, ອົງການກວດກາລັດ, ວຽກງານສານປະຊາຊົນແຂວງ ແລະ ອົງການໄອຍະການປະຊາຊົນແຂວງ, ແຜນການສ້າງ ແລະ ປັບປຸງນິຕິກໍາໃຕ້ກົດໝາຍ, ວຽກງານວັດທະນາທໍາ-ສັງຄົມ ແລະ ບັນຫາຕ່າງໆ ໃນການພັດທະນາເສດຖະກິດ-ສັງຄົມ, ການຮັບຮອງບັນດາກົດໝາຍ ແລະ ນິຕິກຳຕ່າງໆ, ບົດສະຫຼຸບຂອງລັດຖະບານ ກ່ຽວກັບຜົນສຳເລັດກອງປະຊຸມສະໄໝສາມັນເທື່ອທີ 8 ຂອງສະພາປະຊາຊົນແຂວງ ຊຸດທີ II ເຊິ່ງກອງປະຊຸມສະພາປະຊາຊົນແຂວງກໍໄດ້ຮັບຮອງເອົາບົດລາຍງານທີ່ສຳຄັນໃນການພັດທະນາເສດຖະກິດ-ສັງຄົມຂອງແຂວງ ແລະ ບັນຫາຕ່າງໆ ທີ່ສົ່ງຜົນກະທົບຕໍ່ການພັດທະນາປະເທດຊາດ ທີ່ທຸກຄົນຈະຕ້ອງໄດ້ຊ່ວຍກັນແກ້ໄຂ ແລະ ເປັນເຈົ້າການໃນການພັດທະນາປະເທດຊາດ ຄຽງຄູ່ກັບການປະຕິບັດກົດໝາຍໃຫ້ເຂັ້ມງວດ.
ກອງປະຊຸມຈັດຕັ້ງຜັນຂະຫຍາຍ ແລະ ໂຄສະນາເຜີຍແຜ່ເນື້ອໃນຜົນສຳເລັດ ກອງປະຊຸມສະໄໝສາມັນເທື່ອທີ 8 ຂອງສະພາແຫ່ງຊາດ ຊຸດທີ IX ແລະ ສາພາປະຊາຊົນແຂວງ ຊຸດທີ II ຄັ້ງນີ້ໄດ້ດຳເນີນເວລາ 1 ຕອນຈຶ່ງສໍາເລັັດ
