ໜ້າຫຼັກ / ການເຄື່ອນໄຫວ / ອະນຸກຳມະການຂະບວນການຂັ້ນແຂວງ ລົງຕິດຕາມ,ຊຸກຍູ້ວຽກງານຂະບວນການໃນການຈັດກອງປະຊຸມໃຫຍ່ອົງຄະນະພັກເມືອງບຸນເໜືອຄັ້ງທີ 9.
ຕອນເຊົ້າວັນທີ 28 ກຸມພາ 2025 ທີ່ຫ້ອງປະຊຸມຊັ້ນສາມ ທິມງານອະນຸກຳມະການຂະບວນການຂັ້ນແຂວງ ລົງຕິດຕາມ,ຊຸກຍູ້ວຽກງານຂະບວນການໃນການຈັດກອງປະຊຸມໃຫຍ່ອົງຄະນະພັກເມືອງບຸນເໜືອຄັ້ງທີ 9 ນໍາໂດຍ ທ່ານ ຄໍາເຫຼັກ ໃຈອີສານ ກຳມະການປະຈຳພັກແຂວງ ຮອງເຈົ້າແຂວງແຂວງຜົ້ງສາລີ ຫົວໜ້າອະນຸກຳມະການຂະບວນການຂັ້ນແຂວງ ພ້ອມດ້ວຍທິມງານ, ເຂົ້າຮ່ວມກອງປະຊຸມຄັ້ງນີ້ມີທ່ານ ສົມພາບ ດາລາຈັກ ກຳມະການພັກແຂວງ ເລຂາພັກເມືອງເຈົ້າເມືອງເມືອງ ບຸນເໜືອ, ມີຄະນະປະຈຳພັກເມືອງ, ຕະຫຼອດຮອດອະນຸກຳມະການຂະບວນການຂັ້ນເມືອງເຂົ້າຮ່ວມ.
ທ່ານ ຄໍາເຫຼັກ ໃຈອີສານ ກຳມະການປະຈຳພັກແຂວງ ຮອງເຈົ້າແຂວງແຂວງຜົ້ງສາລີ ຫົວໜ້າອະນຸກຳມະການຂະບວນການຂັ້ນແຂວງສະເໜີຈຸດປະສົງ.ຫຼັງຈາກນັ້ນ, ທ່ານສົມພາບ ດາລາຈັກ ກຳມະການພັກແຂວງ ເລຂາພັກເມືອງເຈົ້າເມືອງເມືອງບຸນເໜືອ ລາຍງານໃຫ້ຊາບກ່ຽວກັບແຜນກະກຽມຄວາມພ້ອມໃນການຈັດກອງປະຊຸມໃຫຍ່ອົງຄະນະພັກເມືອງບຸນເໜືອຄັ້ງທີ 9.ຈາກນັ້ນ, ຜູ້ເຂົ້າຮ່ວມໄດ້ຄົ້ນຄວ້າ ແລະ ປະກອບຄວາມເຫັນຢ່າງກົງໄປກົງມາໂດຍແນໃສ່ບັນດາໜ້າວຽກຕ່າງໆໃນວຽກງານຂະບວນການ.
