ໜ້າຫຼັກ / ການເຄື່ອນໄຫວ / ສະຫະພັນແມ່ຍີງເມືອງເມືອງສຳພັນແຂວງຜົ້ງສາລີ ດຳເນີນກອງປະຊຸມຄົບຄະນະ ຄັ້ງທີ II ສະ ໄໝທີ XIII.
ໃນຕອນເຊົ້າຂອງວັນທີ 29 ມັງກອນ 2025 ນີ້ ທາງຫ້ອງການສະຫະພັນແມ່ຍີງເມືອງສຳພັນແຂວງຜົ້ງສາລີ ໄດ້ເປີດກອງປະຊຸມຄົບຄະນະ ຄັ້ງທີ II ສະໃໝທີ XIII ຂື້ນຢ່າງເປັນທາງການ,ໂດຍການເຂົ້າຮ່ວມເປັນປະທານ ຂອງທ່ານ ສີແພງ ວາເລັງວ້າ ຄະນະປະຈຳພັກເມືອງ ປະທານແນວລາວສ້າງຊາດ ຜູ້ຊີ້ນຳອົງການຈັດຕັ້ງມະຫາຊົນ,ມີທ່ານ ນ.ສົມວັນສຸມວິໄລ ກຳມະການພັກເມືອງ,ຄະນະບໍລິຫານງານສະຫະພັນແມ່ຍີງແຂວງ ປະທານສະຫະພັນແມ່ຍີງເມືອງ,ມີຄະນະບໍລິຫານງານສະຫະພັນແມ່ຍີງເມືອງ ຕະຫຼອດຮອດແຂກຖືກເຊີນຈາກອົງການຈັດຕັ້ງມະຫາຊົນເຂົ້າຮ່ວມ.
ໃນກອງປະຊຸມ ທ່ານ ນ.ສົມວັນສົມວິໄລ ກຳມະການພັກເມືອງ,ຄະນະບໍລິຫານງານສະຫະພັນແມ່ຍີງແຂວງ ປະທານສະຫະພັນແມ່ຍີງເມືອງ ໄດ້ຂື້ນຜ່ານຮ່າງ ບົດຕີລາຄາທ່າແຂງ, ທ່າອ່ອນຂອງຄະນະບໍລິຫານງານສະຫະພັນແມ່ຍີງເມືອງ ເຊີງທ່ານໄດ້ໃຫ້ຮູ້ວ່າ; ສະຫະພັນແມ່ຍີງເມືອງສະໄໝທີ XIII ໄດ້ຮັບການເລືອກຕັ້ງໂດຍກົງຈາກຜູ້ແທນສົມບູນໃນກອງ ປະຊຸມໃຫຍ່ຄັ້ງທີ XIII ທີ່ໄຂຂື້ນໃນວັນທີ່ 5 ພະຈິກ 2024. ມີຈໍານວນຄະນະບໍລິຫານງານກຳມະບານເມືອງຈໍານວນ 18 ທ່ານ, ຍິງ; ຊຶ່ງເປັນຕົວແທນສະມາຊິກແມ່ຍີງໃນທົ່ວເມືອງ ເພື່ອຊີ້ນໍາພາລະກິດການພັດທະນາວຽກງານແມ່ຍີງໃຫ້ໄດ້ຮັບການຂະຫຍາຍຕົວຂື້ນຢ່າງບໍ່ຢຸດຢັ້ງ, ຄະນະບໍລິຫານງານສະຫະພັນແມ່ຍີງເມືອງສະໄໝທີ XIII ແຕ່ລະສະຫາຍລ້ວນແຕ່ມີທັດສະນະຫຼັກ ໝັ້ນການເມືອງທີ່ໜັກແໜ້ນ, ມີຄຸນສົມບັດ ສີນທໍາປະຕິວັດ, ມີຄວາມເຊືອໝັນຕໍ່ອຸດົມການ ແລະ ການຊີ້ນໍາ-ນໍາພາຂອງພັກຢ່າງຕາຍຕົວສາມາດຈໍາແນກໄດ້ມິດ-ສັດຕູຢ່າງຈະແຈ້ງ, ເພື່ອປະຕິບັດຕາມແນວທາງການປ່ຽນແປງໃໝ່ຂອງພັກ, ມີຄວາມອົດທົນຜ່ານຜ່າຄວາມຫຍຸ້ງຍາກ, ຮູ້ນໍາພາຜັນຂະຫຍາຍ ແລະ ຈັດຕັ້ງປະຕິບັດຕົວຈິງຕາມເງື່ອນໄຂໃນແຕ່ລະຂົງເຂດວຽກງານ, ພັດທະນາຊົນນະບົດຮອບດ້ານ ເປັນຕົ້ນແມ່ນການເຕົ້າໂຮມຄວາສາມັກຄີ, ອະນຸລັກ ແລະ ສົ່ງເສີມວັດທະນະທໍາ-ຮິດຄອງປະເພນີອັນດີງາມຂອງຊາດ, ຂອງເຜົ່າ, ທ້ອງຖີ່ນ ແລະ ມີຄຸນລັກສະນະທີ່ເປັນມູນເຊື້ອຂອງແມ່ຍິງ ເອົາໃຈໃສ່ປະສານສົມທົບກັບຄອບຄົວ, ໂຮງຮຽນ ແລະ ສັງຄົມ, ໃນການສືກສາອົບຮົມລູກຫຼານໃຫ້ເປັນຜົນລະເມືອງດີ, ໂຄສະນາເຜີຍແຜ່ກົດໝາຍວ່າດ້ວຍຍຸຕິທໍາ ດ້ວຍການຍຸຕີການໃຊ້ຄວາມຮຸ່ນແຮງຕໍ່ແມ່ຍິງ ແລະ ເດັກຍີງ, ກົດໝາຍວ່າດ້ວຍສິດສະເໝິີພາບຍີງ-ຊາຍຕິດພັນກັບການແກ້ໄຂປະກົດການຫຍໍ້ທໍ້ຕ່າງໆ ໃນຖັນແຖວແມ່ຍີງ ແລະ ໂຄສະນາເຜີຍແຜ່ກົດໝາຍວ່າດ້ວຍການຄ້າມະນຸດໂດຍສະເພາະແມ່ຍີງ ແລະ ເດັກຍີງບັນດາເຜົ່າຢູ່ໃນຂອບເຂດຄວາມຮັບຜິດຊອບຂອງຕົນໃຫ້ນັບມື້ນ້ອຍລົງ, ພ້ອມນີ້ຍັງໄດ້ຮັບຟັງການຜ່ານແຜນດໍາເນີນງານຂອງຄະນະບໍລິຫານງານແຕ່ປີ 2025 - 2029, ຜ່ານຮ່າງທີ່ຕັ້ງ, ພາລະບົດບາດ, ໜ້າທີ່ ແລະ ຂອບເຂດສິດຂອງ ຄະນະບໍລິຫານງານສະຫະພັນແມ່ຍີງເມືອງ, ຜ່ານຮ່າງ ບົດຜັນຂະຫຍາຍມະຕິກອງປະຊຸມໃຫຍ່, ຈາກນັ້ນຜູ້ແທນເຂົ້າກອງປະຊຸມກໍ່ໄດ້ພ້ອມກັນປະກອບຄໍາເຫັນຕໍ່ບົດສະຫຼຸບ ແລະ ທິດທາງຢ່າງກົງໄປກົງມາບົນຟື້ນຖານຄວາມເປັນເອກະພາບ,ໄປຈັດຕັ້ງປະຕິບັດວຽກກງານສະຫະພັນແມ່ຍີງໃນຕໍ່ໜ້າໃຫ້ມີເນື້ອໃນຄົບຖ້ວນ ແລະ ສົມບຸນ.
ໃນຕອນທ້າຍກອງປະຊູມທ່ານ ສີແພງ ວາເລັງວ້າ ຄະນະປະຈຳພັກເມືອງ ປະທານແນວລາວສ້າງຊາດ ຜູ້ຊີ້ນຳອົງການຈັດຕັ້ງມະຫາຊົນ ໄດ້ມີຄຳເຫັນເນັ້ນ ໃຫ້ເພີມທະວີການສືກສາອົບຮົບການເມືອງ-ແນວຄິດໃຫ້ແກ່ສະຫະພັນແມ່ຍີງໃຫ້ຮັບຮູ້ຢ່າງເລີກເຊີງໃຫ້ຖືເອົາຄຸນສົມບັດ, ສີນທໍາປະຕິວັດເປັນໄມຫຼ້າວັດແທກໃນການເຄືອນໄຫວເຮັດວຽກມີຜົນສໍາເລັດ, ສືບຕໍ່ປັບປຸງການຊີ້ນໍາ-ນໍາພາ ແລະ ແບບແຜນວີທີເຮັດວຽກຂອງແຕ່ລະຂົງເຂດ ແລະ ບັນດາກຸ່ມບ້ານຢ່າງເປັນປະຈໍາ, ໂດຍສະເພາະແມ່ນວຽກງານວັດທະນະທໍາ-ສັງຄົມ, ຊຸກຍູ້ການຮຽນການສອນ, ຊຸກຍູ້ໃຫ້ລູກຫຼານໃຫ້ໄດ້ເຂົ້າໂຮງຮຽນຕາມເກນອາຍຸ ເພື່ອລຸດຜ່ອນການປະລະໂຮງຮຽນໃຫ້ນ້ອຍລົງ, ຊົມໃຊ້ສຸກສາລາດ້ວຍການກວດ, ຟາກທ້ອງ, ເກີດລູກໃຫ້ລຸດຜ່ອນຄວາມສຽງຕໍ່ແມ່ ແລະ ເດັກ ເອົາໃຈໃສ່ຊຸກຍູ້ການພະລິດຈາກທໍາມະຊາດຫັນມາເປັນການພະລິດແບບເປັນສິນຄ້າຕິດພັນກັບການຕະຫຼາດ ແລະ ການບໍລິການອື່ນໆ ເອົາໃຈໃສ່ສ້າງເສດຖະກິດຄອບຄົວເຮັດໃຫ້ຄອບຄົວມີລາຍໄດ້ສູງຂື້ນ, ຍົກສູງຄວາມຮັບຜິດຊອບຕໍ່ວຽກງານວິຊາສະເພາະ ຕໍ່ແບບແຜນວິທີ່ເຮັດວຽກ ພ້ອມກັນເປັນເຈົ້າການໃນວຽກງານປ້ອງກັນຊາດ-ປ້ອງກັນຄວາມສະຫງົບ, ຮຽກຮອງໃຫ້ແຕ່ລະຮາກຖານໜ່ວຍແມ່ຍີງ ຕ້ອງນໍາເອົາເນື້ອໃນຂອງກອງປະຊູມຄັ້ງນີ້ໄປຜັນຂະຫຍາຍໃຫ້ທົ່ວເຖີງຮາກຖານທ້ອງຖີນໃຫ້ເກີດດອກອອກຜົນຕົວຈີງ.
