ການລົງຊຸກຍູ້ກຸ່ມຜະລິດນໍ້າເຜິ້ງ ທີ່ກຸ່ມບ້ານແສນລາດ ເມືອງຂວາ ແຂວງຜົ້ງສາລີ.
22 May 2025 | ກວດແກ້: ນ. ພວງມະນີ ວົງວິຈິດ. |
ໃນຕອນເຊົ້າຂອງວັນທີ 22 ພຶດສະພາ 2025 ທີ່ຜ່ານມານີ້ ຫ້ອງການອຸດສາຫະກໍາ ແລະ ການຄ້າເມືອງ,
ພ້ອມດ້ວຍພາກສ່ວນທີ່ກ່ຽວຂ້ອງຈາກຫ້ອງການສະຫະພັນແມ່ຍິງ, ຫ້ອງການກະສິກໍາ ແລະ ປ່າໄມ້ ລົງຕິດຕາມ, ຊຸກຍູ້ກຸ່ມຜະລິດນໍ້າເຜິ້ງ ທີ່ກຸ່ມບ້ານແສນລາດ ເມືອງຂວາ ແຂວງຜົ້ງສາລີ ນໍາພາທີມງານໂດຍ ທ່ານ ນາງ ຄູນຖາວອນ ຫົງດາລາ ຮອງຫົວຫນ້າຫ້ອງການອຸດສາຫະກໍາການຄ້າເມືອງ, ມີທ່ານ ບຸນທະວີ ຄຳແສນວົງ ເລຂາພັກກຸ່ມແສນລາດ ແລະ ທ່ານ ແສງຕັນ ຄະນະພັກບ້ານ, ມີທີມງານຂັ້ນເມືອງ ແລະ ສະມາຊິກກຸ່ມລ້ຽງເຜີ້ງເຂົ້າຮ່ວມທັງໝົດ 25 ຄົນ, ຍິງ 8 ຄົນ.
ຈຸດປະສົງໃນການລົງຊຸກຍູ້ກຸ່ມຜະລິດນໍ້າເຜິ້ງ ທີ່ກຸ່ມບ້ານແສນລາດໃນຄັ້ງນີ້ກໍ່ເພື່ອເຮັດໃຫ້ສິນຄ້າດັ່ງກ່າວມີການພັດທະນາທີ່ໂດດເດັ່ນ, ມີຄວາມຍືນຍົງທາງດ້ານເອກະລັກ ແລະ ມີຕະຫຼາດຮອງຮັບທາງດ້ານປະລິມານ ແລະ ຄຸນນະພາບຕອບສະໜອງຕາມທ້ອງຕະຫຼາດໄດ້ເປັນປົກກະຕິເພື່ອໃຫ້ສິນຄ້າດັ່ງກ່າວມີຄວາມໝັ້ນຄົງ ຕາມການປະເມີນຂອງຄະນະຮັບຜິດຊອບຂັ້ນເມືອງທີ່ສາມາດຍາດໄດ້ຜົນຕອບຮັບທີ່ດີເດັ່ນ ແລະ ສາມາດນໍາໃຊ້ກາໝາຍການຄ້າໜຶ່ງເມືອງໜຶ່ງຜະລິດຕະພັນເປັນສິນຄ້າໂອດ໋ອບ ຂອງເມືອງຂວາໃນຕະຫຼອດໄລຍະທີ່ຜ່ານມາ ການລົງຊຸກຍູ້ໃນຄັ້ງນີ້ຍັງໄດ້ຮັບຟັງການລາຍງານຫຍໍ້ເຖິງຂໍ້ສະດວກ ແລະ ຂໍ້ຫຍຸ້ງຍາກ ກ່ຽວກັບສະພາບການຜະລິດນໍ້າເຜິ້ງພ້ອມທັງປຶກສາຫາລືໃນການວາງແຜນຄວາມເປັນເອກະພາບໃນການຈັດຕັ້ງປະຕິບັດໃນຕໍ່ໜ້າໃຫ້ໄດ້ຮັບຜົນດີກວ່າທີ່ຜ່ານມາຕື່ມອີກ.
ໃນຕອນທ້າຍຂອງພິທີທາງຄະນະປະທານ ແລະ ຄະນະຮັບຜິດຊອບຂັ້ນເມືອງຍັງໄດ້ໃຫ້ທິດຊີ້ນໍາ ແລະ ໃຫ້ຄໍາຄິດຄໍາເຫັນໃຫ້ແກ່ສະມາຊິກກຸ່ມລ້ຽງເຜິ້ງໃນການປັບປຸງວິທີການຈັດຕັ້ງປະຕິບັດຕາມກົດລະບຽບຂອງກຸ່ມ ຢ່າງຕັ້ງໜ້າເປັນຕົ້ນແມ່ນການສ້າງຄວາມເຂັ້ມແຂງໃຫ້ຄະນະກຸ່ມການຜະລິດໃຫ້ຄວາມສໍາຄັນຕໍ່ສະມາຊິກ ແລະ ຕໍ່ກຸ່ມການຜະ
ລິດຢ່າງຕັ້ງໜ້າໂດຍສະເພາະໃນການເກັບກູ້ຜົນຜະລິດໃຫ້ມີຄຸນນະພາບ,ມີຄວາມຮັບປະກັນ ແລະ ຈັດສັນການຈັດຈໍາໜ່າຍອອກສູ່ຕະຫຼາດຢ່າງເປັນລະບົບຕໍ່ເນື່ອງເພື່ອຄວາມຍືນຍົງຂອງຜະລິດຕະພັນພ້ອມທັງສະຫຼຸບລາຍງານໃຫ້ຄະນະກໍາມະການຮັບຜິດຊອບຂັ້ນເມືອງເປັນແຕ່ລະໄລຍະ.
Share:
