ໃນຕອນບ່າຍຂອງວັນທີ 26 ເດືອນ ພຶດສະພາ ປີ 2025 ນີ້ທີ່ກຸ່ມໂຮງຮຽນປະຖົມມົງເຈົາ ໄດ້ເປີດບັ້ນການສອບເສັງຈົບຊັ້ນປະຖົມສຶກສາ ປ 5 ປະຈຳສົກຮຽນ 2024-2025 ໃນລະຫ່ວາງ ວັນທີ 27-28 ເດືອນພຶດສະພາ ປີ 2025 ຂອງທົ່ວເມືອງຜົ້ງສາລີ ຂື້ນຢ່າງເປັນທາງການ

ໂດຍການໃຫ້ກຽດເຂົ້າຮ່ວມຂອງທ່ານ ບູນທອງ ຕີ່ງສົມເຮື່ອງ ຮອງເຈົ້າເມືອງຜົ້ງສາລີ ຜູ້ຊື້ນໍາວຽກງານວັດທະນະທໍາສັງຄົມ ມີທ່ານ ນາງ ສີວອນ ມະໄລສີນ ຮອງຫົວໜ້າຫ້ອງການສຶກສາທີການ ແລະ ກີລາ ເມືອງຜົ້ງສາລີ ມີ ທ່ານ ນາງແສງນາ ເຫຼັກ ປະທານກຸ່ມໂຮງຮຽນປະຖົມມົງເຈົາ ມີບັນດາຄະນະຮັບຜິດຊອບການສອບເສັງ ອະນຸກຳມະ

ການເຝົ້າຫ້ອງສອບເສັງ ແລະ ນັກສອບເສັງເຂົ້າຮ່ວມຫຼາຍ 70 ທ່ານ.

ໃນພິທີຄະນະຈັດຕັ້ງກ່າວຈຸດປະສົງ ແລະ ຜ່ານມະຕິຕົກລົງຂອງຫ້ອງການສຶກສາທີການ ແລະ ກີລາ ວ່າດ້ວຍການແຕ່ງຕັ້ງຄະນະຮັບຜິດຊອບການສອບເສັງ ແລະ ອະນຸກຳ

ມະການສອບເສັງຂອງທົ່ວເມືອງຜົ້ງສາລີ ຈາກນັ້ນ ທ່ານ ນາງ ສີວອນ ມະໄລສີນ ຮອງຫົວໜ້າຫ້ອງການສຶກສາທີການ ແລະ ກີລາ ເມືອງຜົ້ງສາລີ ໄດ້ຂື້ນຜ່ານກົດລະບຽບການສອບເສັງຂອງຄະນະກຳມະການສອບເສັງ ແລະ ນັກສອບເສັງ ໃນຕອນທ້າຍຂອງພິທີ ທ່ານ ບູນທອງ ຕີ່ງສົມເຮື່ອງ ຮອງເຈົ້າເມືອງຜົ້ງສາລີ ຜູ້ຊື້ນໍາຂົງເຂດວັດທະນະທໍາສັງຄົມ ໄດ້ກ່າວວ່າການຈັດຕັ້ງປະຕິບັດການສອບເສັງຈົບຊັ້ນສຶກສາ ປ 5 ແມ່ນເພື່ອເປັນການປະເມີນຜົນການຮຽນການສອນຂອງຄູ-ນັກຮຽນ ແລະ ເປັນການວັດແທກຄວາມຮັບຮູ້ຂອງນັກຮຽນໃນສົກປີ 2024-2025 ໃນທົ່ວເມືອງລວມມີ 12 ສູນ ມີ 48 ໂຮງຮຽນ ມີຈໍານວນຫ້ອງເສັງ 23 ຫ້ອງສອບເສັງ ມີນັກຮຽນສອບເສັງທັງໝົດ 423 ນ້ອງຍິງ 181 ນ້ອງ ມີວິຊາເສັງລວມມີ 4 ວິຊາເສັງ ຈະໃຊ້ເວລາ 2 ວັນເຕັມ ເອກະພາບໃນທົ່ເມືອງ ແລະ ເພື່ອສ້າງເງື່ອນໄຂເຂົ້າຮຽນຕໍ່ຊັ້ນມັດທະຍົມສຶກສາປີທີ່ 1 ຫຼື ມ.1 ມັນຈື່ງເປັນການຕັດສີນຜົນໄດ້ ຜົນເສຍ ແລະ ບັນລຸຕາມເປົ້າໝາຍທີ່ກຳນົດໄວ້.