ໜ້າຫຼັກ / ການເຄື່ອນໄຫວ / ທ່ານ ຫົວໜ້າພະແນກສາທາລະນະສຸກແຂວງລົງເຄື່ອນໄຫວຕິດຕາມກວດກາ ແລະ ຊຸກຍູ້ວຽກງານຢູ່ຫ້ອງການສາທາລະນະສຸກເມືອງຍອດອູ.
ໃນຕອນເຊົ້າຂອງວັນທີ 27 ເດືອນ ພຶດສະພາ ປີ 2025 ນີ້ ທ່ານ ໄຊນຸພາບ ສຸຈັນ ຫົວໜ້າພະແນກສາທາລະນະສຸກແຂວງ ຜົ້ງສາລີ ລົງເຄື່ອນໄຫວຕິດຕາມກວດກາ ແລະ ຊຸກຍູ້ການຈັດຕັ້ງປະຕິບັດວຽກງານຮອບດ້ານຢູ່ຫ້ອງການສາທາລະນະສຸກເມືອງ ຍອດອູ. ໂດຍໄດ້ຮັບການຕ້ອນຮັບຈາກທ່ານ ທອງດີ ແສງລາວ ຫົວໜ້າຫ້ອງການສາທາລະ
ນະສຸກເມືອງ ຍອດອູ ພ້ອມດ້ວຍຄະນະຫ້ອງການ ຕະຫຼອດຮອດພະນັກງານລັດຖະກອນພາຍໃນຫ້ອງການສາທາລະ
ນະສຸກເມືອງ ຢ່າງອົບອຸ່ນ ໃນໂອກາດທີ່ທ່ານເຄື່ອນໄຫວຕິດຕາມກວດກາ ແລະ ຊຸກຍູ້ວຽກງານຢູ່ຫ້ອງການສາທາ
ລະນະສຸກເມືອງ ໃນຄັ້ງນີ້ທ່ານໄດ້ຮັບຟັງການສະຫຼູບຕິລາຄາການຈັດຕັ້ງປະຕິບັດວຽກງານຮອບດ້ານຂອງຫ້ອງການສາທາລະນະສຸກເມືອງ ແລະ ວຽກງານໂຮໝໍຊົມຊົນໃນໄລຍະ 6 ເດືອນຕົ້ນປີ 2025 ແລະ ທິດທາງແຜນການ 6 ເດືອນທ້າຍປີ 2025 ຂອງຫ້ອງການສາທາລະນະສຸກເມືອງຍອດອູ ຈາກທ່ານ ທອງດີ ແສງລາວ ຫົວໜ້າຫ້ອງການສາທາລະນະສຸກເມືອງ ຍອດອູ ພ້ອມນັ້ນບັນດາທ່ານ ພະນັກງານແຕ່ລະໜ່ວຍງານພາຍໃນໂຮງໝໍ ແລະ ຂະແໜງການຈາກພະແນກສາທາລະນະສຸກແຂວງ ກໍ່ໄດ້ພັດປ່ຽນກັນຂື້ນມີຄຳເຫັນແລກປ່ຽນໂດຍສະເພາະແມ່ນ: ວຽກງານຈັດຕັ້ງ-ກວດກາ ແລະ ວຽກງານບໍລິຫານ ແລະ ວຽກງານອື່ນໆ ເພື່ອສົນທະນາ ແລກປ່ຽນບົດຮຽນນຳກັນເຮັດໃຫ້ພະນັກງານທີມີຄວາມຮູ້ຄວາມສາມາດໃຫ້ວາງຢູ່ໃນຕຳແໜງງານເຮັດໃຫ້ວຽກງານດັ່ງກ່າວມີຄວາມກ້າວໜ້າ ແລະ ມີຜົນສຳເລັດ .ຈາກນັ້ນ ທ່ານ ໄຊນຸພາບ ສຸຈັນ ຫົວໜ້າພະແນກສາທາລະນະສຸກແຂວງ ໄດ້ມີຄຳເຫັນແລກປ່ຽນ ແລະ ໂອ້ລົມຕໍ່ພະນັກງານຫຼັກແຫຼ່ງ ພະນັກງານລັດຖະກອນ ຂອງຫ້ອງການສາທາລະນະສຸກ ແລະ ເມືອງ ເຊິ່ງກ່ອນອື່ນ ທ່ານກໍ່ໄດ້ ກ່າວສະແດງຄວາມຍ້ອງຍໍຊົມເຊີຍຕໍ່ຜົນງານ ແລະ ໄຊຊະນະທີ່ທາງຫ້ອງການສາທາລະນະສຸກເມືອງຍອດອູ ຍາດມາໄດ້ໃນໄລຍະຜ່ານມາ ພ້ອມທັງເນັ້ນໜັກຕື່ມຫຼາຍບັນຫາສຳຄັນ ເປັນຕົ້ນແມ່ນ ສຶບຕໍ່ເຊື່ອມຊຶມແນວທາງນະໂຍບາຍຂອງພັກ - ລັດ, ບັນດາມະຕິ, ຄຳສັ່ງບົດແນະນຳ ແລະ ນິຕິກຳຕ່າງໆໃຫ້ຫຼາຍຂຶ້ນ, ເພິ່ມທະວີຄວາມຮັບຜິດຊອບຕໍ່ໜ້າທີ່ການເມືອງ, ຄຸນນະພາບຂອງການບໍລິການສະຖານທີ່ການບໍລິການຕ່າງໆລວມທັງຈັນ
ຍາບັນຂອງແພດໝໍກໍ່ຄື ການປະຕິບັດ 5 ດີ 1 ພໍໃຈໃຫ້ເລິກເຊິ່ງ, ເພີ່ມທະວີກົນໄກການປະສານງານລະຫວ່າງບັນ
ດາພະແນກການ, ອົງການ ບາງດ້ານບໍ່ທັນກົມກຽວກັນ, ເອົາໃຈໃສ່ວຽກງານຈັດຕັ້ງ-ກວດກາການວາງຊັບຊ້ອນພະນັກງານທີມີຄວາມຮູ້ຄວາມສາມາດໃຫ້ສົມຄູ່ກັບຕຳແໜ່ງງານ ແລະ ສືບຕໍ່ເພີ່ມທະວີຄວາມສາມັກຄີພາຍໃນຫ້ອງການສາທາລະນະສຸກເມືອງ ໂຮງໝໍຊົມຊົນເມືອງ ກັບ ພະແນກສາທາລະນະສຸກແຂວງໃຫ້ມີຄວາມເປັນເອກະ
ພາບ.
