ໜ້າຫຼັກ / ການເຄື່ອນໄຫວ / ສະຫະພັນກຳມະບານແຂວງ ຜົ້ງສາລີ ໄດ້ລົງຈັດກອງປະຊຸມທາບທາມບຸກຄະລາກອນ
ສະຫະພັນກຳມະບານແຂວງ ຜົ້ງສາລີ ໄດ້ລົງຈັດກອງປະຊຸມທາບທາມບຸກຄະລາກອນ ຄະນະບໍລິຫານງານສະຫະພັນກຳມະບານແຂວງ ຮອບທີ 1 ຂຶ້ນຢ່າງເປັນທາງການ ໃນຕອນເຊົ້າຂອງວັນທີ 29 ພຶດສະພາ 2025 ຢູ່ທີ່ສະໂມສອນຫ້ອງວ່າການເມືອງສຳພັນ ໂດຍພາຍໃຕ້ການເປັນປະທານຂອງ ສະຫາຍ ພອນໄຊ ແກ້ວສົມພັນ ກໍາມະການປະຈໍາພັກແຂວງ ປະທານແນວລາວສ້າງຊາດ ຜູ້ຊີ້ນໍາອົງການຈັດຕັ້ງມະຫາຊົນຂັ້ນແຂວງ, ໃຫ້ກຽດເຂົ້າຮວ່ມມີສະຫາຍ ທອງຕື ເກຍສະບົງ ເລຂາພັກເມືອງ ເຈົ້າເມືອງສຳພັນ, ມີບັນດາທີມງານຄະນະຮັບຜິດຊອບບຸກຄະລາກອນຂັ້ນແຂວງ, ຄະນະບໍລິຫານງານສະຫະພັນກຳມະບານເມືອງໃຫມ່ ແລະ ຄະນະປະທານກຳມະ ບານຮາກຖານອ້ອມຂ້າງເທດສະບານເມືອງສຳພັນ ເຂົ້າຮ່ວມທາບທາມທັງຫມົດຈຳນວນ 56 ສະຫາຍ, ຍິງ 38 ສະຫາຍ, ກອງປະຊຸມໄດ້ດຳເນີນເປັນເວລາ 1 ຕອນ ເຫັນວ່າຜູ້ເຂົ້າຮ່ວມມີຄວາມຮັບຜິດສູງໃນການລົງຄະແນນສຽງເພື່ອຄັດເລືອກເອົາຄະນະບໍລິຫານງານຊຸດທີ 9 ຂອງສະຫະພັນກຳມະບານແຂວງຜົ້ງສາລີ ແລະ ຜ່ານການທາບທາມເຫັນວ່າບໍ່ມີບັດຕາຍ
